李文星

出自維基百科,自由嘅百科全書

李文星粵拼lei5 man4 sing1簡化字李文星1994年1月2017年7月14號)係中國大陸嘅一位市民兼學生,山東德州武城縣人。2012年7月以568分嘅成績考到遼寧瀋陽東北大學。2016年大學畢業之後先後去過北京做同IT有關嘅面試,但未成功。

[編輯]

2017年5月20號,佢接到份求職面試通知,要去天津濱海新區高新軟件園面試。到天津面試後開始陷入求職騙局,出現好多次失聯、態度冷淡同成日借錢等行為。同年7月8號陷入債務糾紛重喺7月14號俾傳銷組織喺靜海區104國道邊掟佢浸豬籠死咗,終年23歲。佢嘅死訊去到同年8月2號先至對外公佈。

後續[編輯]

李文星因層壓式傳銷而死嘅事傳出去後,震驚成個中國大陸社會。喺中國大陸,凡係涉及層壓式傳銷嘅行為都屬違法。同年7月14號,天津警方開始介入呢單嘢去查,發現李文星重在生時用咗「BOSS直聘」嘅招聘軟件求職去北京科藍公司見工,結果陷入傳銷組織。重證實嗰間北京科藍公司係間無牌公司。同年8月6號繼續深入調查,原嚟嗰間科藍公司實際係假冒DeBell公司名義而招工,最後重查到假冒DeBell公司啲人原嚟有五條李鬼,公安機關話佢以層壓式傳銷名義依法將嗰五條李鬼捉咗。

[編輯]

  • 985名校毕业生李文星求职之死,揭露了多少骗局. . 常州资讯网. 2017-08-03.
  • 大学毕业生陷“招聘骗局”蹊跷死亡,涉事网站曾获雷军等大佬投资 每日经济新闻 (2017-08-03)
  • 东籍大学生李文星求职蹊跷死亡!疑陷"招聘骗局"入传销……. . 泉州网. 2017-08-03.
  • 求职少年李文星家属发文悼念李文星:曾因家庭困难拒绝上大学 新京报 (2017-08-02)