杜宇

杜宇
成都郫都區望叢祠入面嘅杜宇像
統治
明細
國籍	Ancient Kingdom of Shu
[改維基數據]

杜宇係戰國時代古蜀第四任君主，又叫做望帝。呢位君主係有好多傳說，有佢升西山隱同杜鵑啼血嘅古仔。古蜀係家下四川，而同三星堆遺址就係古蜀國首都。

響佢統治之下，將原本係沼澤地方，好努力咁開田。又帶人治人，又叫人跟季節種嘢。但治水呢瓣始終未搞掂。

相傳杜宇晚年嗰陣，國內有大水災，佢就派宰相開明氏鱉靈去玉山(玉壘山)治水。呢個時候，佢竟然同開明氏老婆通姦。因為佢就好慚愧，就讓位畀開明氏。亦有另一版本話，覺得鱉靈治水有功，讓位畀佢。後尾開明氏要遷都，杜宇唔想走，就升西山隱。升西山隱，字面係西山升天或者隠居，實際係去死咁解。死之後就變做雀仔，即係杜鵑。二月到就聽到佢悲鳴到吐血。而啲血就滴落花上面，變成杜鵑花。蜀人一聽到佢咁，就會諗起蜀王，人人都好傷心。

考古學家將三星堆一個祭祀坑，掘到嘅六十樽青銅人像，同埋青銅神樹，聯想到杜宇升西山隱嘅古仔。

文學

李商隠嘅《錦瑟》一詩，就有句「望帝春心托杜鵑」。