東亞銀行倒閉謠言

出自維基百科,自由嘅百科全書
(由東亞銀行擠提事件跳轉過嚟)

東亞銀行倒閉謠言喺2008年9月22號傳出,當時有人透過手機短訊同埋討論區留言等方式,聲稱「東亞銀行出現財政問題,可能會倒閉」,又呼籲東亞銀行嘅客戶通知其他人去東亞銀行提款,事件導致多間東亞銀行分行出現擠提情況,最後需由銀行負責人、金融管理局財政司司長曾俊華同埋特首曾蔭權澄清 [1],事件先得到解決。

事件經過[編輯]

2008年9月22號開始,有人開始製造虛假消息,以手機短訊訛傳東亞銀行因為喺雷曼債券同埋AIG入面投資失利出現財政困難,會被香港政府接管。

同日下午,東亞銀行副行政總裁澄清無財政出現困難,銀行財政建全,批評造謠者破壞香港金融體系穩定。雖然大批市民提款,但銀行表示唔設提款上限。銀行主席李國寶就造謠者有意針對東亞銀行,可能想借機炒賣股份有關。他表明會增持股份。財政司司長曾俊華就警告,惡性散播謠言是刑事罪行。當時出任金融管理局總裁嘅任志剛就表示,希望市民理智,因為香港有存款保障制度,市民唔使擔心。[2]

去到9月26號,就連新加坡分行都有出現擠提情況。新加坡金融管理局也發表聲明,呼籲民眾唔好聽信謠言[3]

花旗引述東亞銀行管理層指出,三天擠提期間,共流失5%存款,即係150億現金。之後,部分存款流回,但仍有60億元淨流出。[4]

外部連結[編輯]

參考[編輯]

  1. 亞"擠提"事件幸得及早解決-五色專欄-按揭攻略-明報置業網. 原著喺2016-03-05歸檔. 喺2021-01-22搵到.
  2. 2008年9月24日東亞銀行擠提事件-Youtube. 原先內容歸檔喺2016-04-09. 喺2010-02-25搵到.
  3. 台灣英文新聞 (2008-09-26). 傳倒閉 香港東亞銀行新加坡分行擠兌 | 台灣英文新聞 | 2008-09-26 00:00:00. . 原著喺2022-06-05歸檔. 喺2022-06-05搵到.
  4. 言打擊 東亞擠提流失60億元. 2008-10-24. 原著喺2016-05-31歸檔. 喺2016-04-30搵到.