東京地下鐵沙林毒氣襲擊

事發時站外

軍隊袪毒

東京地下鐵沙林毒氣襲擊，又叫東京地鐵沙林毒氣事件，日本國家警察局正式叫地鐵站結構內用毒多重殺人事件（日文：地下鉄駅構内毒物使用多数殺人事件），係發生喺日本東京嘅一次化學恐怖襲擊，事發喺1995年（平成七年）3月20號，係奧姆真理教（一個邪教）發動嘅 ｢奧姆真理教事件｣ 之一。

當時地鐵由帝都快速交通管理局（即現今東京地下鐵）營運；奧姆真理教成員喺行車期間，喺地鐵車廂入面放沙林神經氣體，導致好多乘客、職員同試圖救人者死傷。喺當時，喺大都會用化學武器肆意殺人係極之罕見。

行兇目的，話係擾亂警方對奧姆真理教嘅搜查，同對首都圈造成擾亂；結果有十二到十四人死，約六千三百傷，近千人暫時出現視力問題。