東南西北

  想搵第二個意思嘅話，請睇方位。

東南西北

有數字東南西北

東南西北係一種摺紙，正方紙摺來玩，尤其細路。唔同地方有唔同叫法，又有唔同玩法。好似英國就占卜咁玩，叫紙占卜。德國叫佢天堂地獄。歐洲又有啲鹽格，或者胡椒樽。亦有啲叫佢捉蟲。日本以法文叫鑊，又或以西班牙文叫煲𧘹。

香港玩法，叫佢東南西北，四面寫上東南西北四字。入面寫有八句字，可以係任何指令，由寫嗰位自由發揮。

摺法

• 
  四角對摺三角兩次，摺出對交叉線。
• 
  四角向中心摺。
• 
  摺成細正方。
• 
  反向背面。
• 
  再四角向中心摺。
• 
  摺成再細正方。
• 
  對面摺，勾出四瓣。
• 
  完成

史

出生占星圖有似東南西北摺紋

估計出自歐洲，然而唔能確定。十二世紀星占有類似線圖，但唔肯定喺咪要摺。

玩法

主持將「東南西北」套落隻手度，其他玩家輪流揀方位同開閂幾多下，主持郁完個「東南西北」後，玩家就要跟住顯示嘅指令去做。