《東周刊》係香港出版嘅一本周刊雜誌，主要報導香港娛樂圈同時事新聞。不過，佢嘅新聞來源好多時都係靠「狗仔隊」偷拍，再加上一啲似「故事創作」嘅內容，走大眾化、八卦娛樂路線。
《東周刊》由東方報業集團喺1992年創刊，直接競爭對手係壹傳媒嘅《壹週刊》，到2001年東方報業集團放棄娛樂雜誌業務，將佢同《東方新地》一齊賣畀英皇集團旗下嘅新傳媒集團。2002年，英皇主理嘅《東周刊》因為刊登受害女星劉嘉玲被虐裸照，引起演藝圈強烈反彈，成千上萬人上街遊行譴責。喺社會輿論壓力之下，《東周刊》宣佈停刊。不過，五個月之後就畀星島新聞集團收購，重新復刊。
