東塾學派

東塾學派係清代漢學嘅新學派，喺清代中晚期形成，佢嘅創始人係晚清大儒陳澧。陳澧號東塾，呢個學派因其號得名。喺十九世紀八十年代嗰陣，張之洞話過：『庶幾從此東塾學派流衍中原』。佢喺廣州學海堂任教十年，亦主講菊坡精舍，培養咗眾多學者，重要嘅包括桂文燦、趙齊嬰、胡伯薊、陶福祥、陳樹鏞、汪兆鏞、徐灝、文廷式、於式枚、梁鼎芬等。其學術影響一直持續到民國嗰陣。

學派創始人

陳澧(1810年——1882年)，字蘭甫、蘭浦，號東塾，書齋曰「東塾」，廣州番禺縣捕屬（而家廣州）人。清代著名音韻學家。陳澧以漢學為宗，其學以通經致用為主，但不囿於門戶之見，不排斥宋學，以博學見稱，最初專治經學，宗法漢儒，從而精研文字音韻。此後又廣為涉獵其他領域，天文歷算、地理山川、詩詞歌賦、書法篆刻，多有心得。錢穆喺《中國近三百年學術史》中，對陳澧主張漢宋調同嘅思想頗為欣賞。