東昌街

東昌街出廣福道街口。右邊三層高。左邊永誠樓。

東昌街，香港一街，喺大埔大埔墟，由廣福道向北伸，再過寶湖道，屈東向南運路。佢至初喺海邊，得近廣福道一段仔。一九八五年左近，大埔新市鎮起勢咁填海，東昌街北伸到笪停車場。到二〇二二年左近，停車場變咗文康設施，先前成帶大動土木，條街尾亦向東伸到南運道。

依家條街經過唔少學校同公共設施。

史

原本東昌街個位，喺運頭角海邊，對住大埔海。戰前至少早過一九三七年，經已運頭角嗰頭，起咗短短兩排屋，填海拉直。一排跟廣福道排。另一排，跟現時東昌街東面咁排。當時東昌街未知有名，但西面成海旁，由廣福道，筆直通行。一九四六年街尾，就起咗大埔魚市場。但舊圖上未仍未畫出街形，純粹吉地。當時同廣福道口，東邊仍未起屋，亦未有萬四長園。

大埔墟擴展

去到一九五七年，就笪地就起咗屋，萬四長園都喺處，有埋東昌街個名。而漁農署，亦喺度開個寫字樓。

新起屋廣福道單數門牌，一百一十五到廿一號。另一邊舊屋，廣福道九十五到一百一十三號。而東昌街東邊，雙數門牌，二到十六號。十六號之後，就大埔魚市場。呢度廣福道舊門牌，後來重新編過。

大埔墟填海

一九六二年，香港政府計劃，計劃大埔墟填海。一九六九年，圖上經已畫出，東昌街西面填咗海，變咗六鄉新村。東昌街西側，單數門牌，一到十五號。東昌街尾，近魚帝場，依家屈西，駁入寶湖道。廣福道嗰邊，重新編過門牌，東昌街口，西側廣福道一百卅七到五十五號。東側，一百五十七到六十三號。

由於就近魚市場，東昌街六鄉一邊，開咗食肆蔡潤記。

約莫一九七四年，東昌街口，廣福道一百卌九到五十五號，拆咗重新起樓。一九七九年左近，起咗永誠樓。

一九七九年左近，門牌二到四號拆咗。一九八一年起返。樓高三層。而六到十六號拆咗。

大埔新市鎮填海

二〇一二年，東昌街尾。高樓大埔舊墟公立學校 (寶湖道)。前面貨車停車場。

大埔崇德黃建常紀念學校，東昌街嗰邊。

大約一九八五年，填海已殺到埋東昌街一帶。大埔魚市場要搬，搬去鹽田仔三門仔路，亦即大埔魚類批發市場。東昌街向北伸入填地，但當時呢段未叫東昌街。六到十六號起成東昌閣。

一九八六年前後，大埔魚市場拆咗，得漁農署寫字樓，寶湖道穿過魚市地，去到南運路。寶湖道同東昌街成十字路口。而未叫東昌街新段，西便大埔崇德黃建常紀念學校，東面化身停車場。

約一九九二年左右，漁農署寫字樓廢置。而魚市場笪地，幾年後，一九九六年麗湖閣入伙。

香港小學改全日制。二〇〇二年，大埔舊墟公立學校，分出大埔舊墟公立學校 (寶湖道)，而校舍喺寶湖道東昌街口，原本停車場笪地。

起大埔東昌街康體大樓

大埔東昌街康體大樓。東昌街延長東屈。

延長後，伸到寶湖道小型足球場。

二〇一七年，東昌街尾要起大埔東昌街康體大樓。二〇二二年起好，有東昌街體育館、東昌街游泳池、東昌街社區會堂。而東昌街向東伸入南運路，就同寶湖道小型足球場相鄰。而去到街尾，就橫過南運路休憩處。