東江飯店

出自維基百科,自由嘅百科全書

東江飯店係一間原本喺廣東省廣州市中心開嘅老牌酒樓,原門牌中山四路337號(原致美齋轉角鋪隔離)。

歷史[編輯]

前身係1946年由國民黨廣州機關要員刁景鄂投資,由興寧人經營嘅寧昌飯店,最初個名係雲來閣,開喺城隍廟前(今忠佑大街)[1]。飯店主打客家風味嘅家庭菜式,好似東江鹽焗雞、東江釀豆腐呢啲,以主料突出,風味濃郁,獨具特色而小有名氣[2]

1956年改成公私合營後,寧昌飯店由忠佑大街內搬到去中山四路,1962年,寧昌飯店作為廣州飲食業嘅特色店開始接待交易會來賓。1966年,寧昌飯店改名成人民飯店。1972年定名做東江飯店

飯店經多次擴建裝修,喺8、90年代有成3層樓面、500幾個座位。當時出品出名嘅有東江炸肉卷、八寶窩全鴨、東江鹽雞、脆皮蔥油魚呢啲[3]。飯店嘅鹽焗雞喺1992年全國商業部食品評比中,試過榮獲金鼎獎,東江飯店亦被評為省級先進企業。1990年代尾由於地鐵一號線建設拆遷,東江飯店同眾多老字號由此消失。

特色[編輯]

十大名菜[編輯]

除東江鹽焗雞外,知名菜式重有東江香酥雞、紅燒海參、爽口牛丸、紅糟泡雙胘、七彩雜錦煲、八寶釀豆腐、東江卷、梅菜扣肉、東江大圓蹄、鹹菜肚片等[4]

參考[編輯]

  1. . 廣州老字號傳奇.{{cite web}}: CS1 maint: url-status (link)
  2. 廣州市志·商業·飲食卷
  3. . 廣州圖書館. 2004-02-12. 原著喺2020-03-27歸檔.
  4. 周松芳 (2017-01-06). 广. 原著喺2020-03-27歸檔.