林尚義

出自維基百科,自由嘅百科全書
跳去: 定向搵嘢

林尚義1934年11月7號2009年4月23號),花名阿叔重炮手倉魚,係香港足球員講波佬,幾受香港老中青球迷嘅愛戴。

阿叔屋企係小康之家,佢係么仔,有一個阿哥八個家姐。16歲加入咗香港甲組足球聯賽嘅足球隊,1948年開始效力傑志,1958年代表中華民國攞咗亞運足球金牌,1960年喺羅馬參加1960年夏季奧林匹克運動會,1972年效力流浪時攞咗聯賽同銀牌雙料冠軍。1982年攞埋國際足球協會世界教練文憑。

林尚義喺香港中文大學經濟系畢業之後,警察足球隊曾邀請佢加盟,但佢拒絕咗,重去咗教書。佢曾經喺文理書院 (香港)體育社會國文

掛靴之後,林尚義先後喺香港商業電台亞洲電視同埋無綫電視講波佬超過成廿年,堪稱香港足球評述界嘅宗師,佢嘅權威式球評風格實在係深入民心。

阿叔曾經喺1995年至2001年期間客串多部電影,好似《黑玫瑰義結金蘭》(1997年)、《賭聖3之無名小子》……等,其中以《古惑仔》電影系列中飾演風趣神父一角最深入民心。亦因為佢獨特嘅講嘢方式,有好多廣告商都搵佢做廣告嘅旁白,好似早排嘅可口可樂廣告:「10號仔一直帶個衝入禁區……腳趾尾拉篩,入咗啦!入咗啦!」令到好多熱愛足球嘅人聽到都覺得好開心,好有感染力。

2005年初佢老婆劉蕙芳因為肝硬化引致內出血死咗,終年卌幾。佢大受打擊,試過想喺2005年8月中同無綫電視合約屆滿之後退休,畀無綫電視挽留,到2006年FIFA世界盃後先至宣佈退出電視電影圈。

2009年4月23號林尚義響律敦治醫院病死,享年七十四[1]

參考[編輯]