查佩克（Karel Čapek，1890年1月9號—1938年12月25號）係一位捷克作家、劇作家、評論家同記者。佢最出名嘅係佢啲科幻作品，包括1936年嘅小說《山椒魚戰爭》（War with the Newts），同埋1920年嘅劇本《羅梭嘅萬能工人》（R.U.R.）。正正係呢個劇本，創造咗「機械人」（robot）呢個詞語。
佢亦都寫咗好多充滿政治色彩嘅作品，探討當時嘅社會動盪。佢受到美國實用主義自由派影響，致力提倡言論自由，並且強烈反對當時喺歐洲崛起嘅法西斯主義同共產主義。
