桃花澗 (廣州)

出自維基百科,自由嘅百科全書
Jump to navigation Jump to search
桃花澗園區嘅北門附近

桃花澗粵拼tou4 faa1 gaan3)係中國廣東省廣州市入面,白雲山嘅一個景區,喺白雲山北邊,東北角靠住梅花園門崗,西北邊靠住黃婆洞水庫。呢個園區喺1960年起好,佢按咗東晉時期,陶淵明嘅《桃花源記》嘅諗法而搞出嚟。呢個園區重係雲山八景入面,有「桃園報春」嘅名。呢間園區曾經喺1999年5月份重新搞過改造。

敘述[編輯]

呢間公園嘅佔地面積係10公頃,入面種咗好多桃花響度,重加咗幾間中國古代史入面出現過嘅庭院建築。每年一到春天(尤其係2月——4月),成間公園入面有好多桃花響度。

景區[編輯]

明珠樓
黃婆洞水庫

桃花澗景區入面有白雲松濤、松濤別院、桃花澗、梅花谷、明珠樓、水月閣、黃婆洞休閒茶廊同回歸林等。

明珠樓[編輯]

明珠樓係1920年喺白雲山嘅黃婆洞附近住嘅居民起嘅一棟樓,入面有嚿神像響度。喺間樓嘅下邊有個山塘同條水澗響度;而山塘上邊有條橋仔。喺陳濟棠做緊廣東省長嗰陣就搞咗呢度係避暑勝地嘅同時,又將呢間嘢起成2層樓嘅建築,重畀埋佢老婆莫秀英嚟呢度住。但係嗰時因為當地治安比較亂(尤其係深夜,嗰時附近成日發生偷嘢),所以除咗莫氏到呢度之外,基本上都冇乜人嚟嗰度,加上平時都冇人理,所以搞到樓閣冧咗一次。直到廣州解放咗之後先至重新起返間明珠樓出嚟。

黃婆洞水庫[編輯]

內文: 黃婆洞水庫

黃婆洞水庫係1956年由陶鑄同志提出話起嘅一個水庫,佢為咗解決山腳啲農民嘅生產同生活嘅用水難問題,而家就幫白雲山加咗條靚嘅風景線。

白雲松濤[編輯]

之前羊城八景講嘅白雲松濤就喺呢度附近。嗰度有或大嘅黃白色石英岩畫住由董必武第一次嚟呢度嗰時,寫嘅「白雲松濤」呢四個字。以前呢度好多松林,一有山風吹過嘅話就好似喺松浪噉,幾有林深到冇人知嘅景。雖然松濤嘅聲冇海浪咁犀利,但一樣都搞到啲人幾識得享受吓。而廣州啲人就成日將呢啲感受話成「唔使去錢塘江睇浪,白雲山聽濤聲夠嗮」。

出面網頁[編輯]