棄子 (國際象棋)
喺國際象棋，棄子（參見英文：sacrifice）係指棋手故意放棄自己嘅棋，換取某啲戰略上嘅優勢。棄子目的可以係想換取更好嘅位置、增強攻勢，甚至創造致勝局面。棄子係高級棋手成日用嘅戰術，需要深思熟慮同計算，稍有不慎可能會導致劣勢甚至輸棋。
策略價值
[編輯]睇埋：國際象棋戰術
捉國際象棋嘅人，成日會犧牲自己嘅棋嚟食對方嘅棋，以一隻棋換一隻敵棋。呢種做法並唔係單純嘅同歸於盡，而係經過精心計劃嘅舉動：佢哋透過犧牲自己嘅棋，迫使對手改動佈局、移動其支援用嘅棋，亦令棋盤上嘅棋數量減少，變數少咗，就令到自己嘅計劃更容易順利進行[1]。
有國際象棋專家指，新手好多時都唔識用棄子，甚至明知用棄子會得到優勢都唔肯用，原因係佢哋成日都留意住自己有幾多棋淨，形住喪失任何嘅棋都係惡劣選擇[2]。
棋局例子
[編輯] Najdorf vs. Reshevsky, 1952[3]
| a | b | c | d | e | f | g | h | ||
| 8 |              | 8 | |||||||
| 7 | 7 | ||||||||
| 6 | 6 | ||||||||
| 5 | 5 | ||||||||
| 4 | 4 | ||||||||
| 3 | 3 | ||||||||
| 2 | 2 | ||||||||
| 1 | 1 | ||||||||
| a | b | c | d | e | f | g | h | ||
白棋啱啱行咗 h2-h4，將自己隻卒由 h2 移去 h4。黑棋大可以用 h6 嗰隻黑卒嚟食 g5 嘅白騎士，但假如佢噉做，就中咗白棋嘅棄子之計：假如黑棋真係噉做，白棋跟住就可以用 h4 隻卒食 g5 嘅黑卒，令到 h1 隻白城堡可以直通成條 h 行，及後若果白棋將自己隻皇后移去 h7 就會對黑棋嘅國王造成巨大威脅；喺呢個過程裡便，白棋放棄咗隻騎士，奪得重大嘅戰略優勢。
睇埋
[編輯]外拎
[編輯]- （英文） 國際象棋、投資回報與棄子：Howard Marks 講解風險，有人主張投資梗要承受損失，重點係要好似國際象棋棄子噉，要識得喺適當時候承受短期損失，換取長遠嘅大回報。