楊尚斌

楊尚斌（1981年10月13日－2024年8月11日^[1]），前香港藝人。

楊尚斌喺1997年參加黎明模仿大賽贏咗冠軍，嗰陣主辦單位仲搵咗黎明同雷頌德做評判。之後佢又參加1998年多倫多全球華人新秀歌唱大賽，同樣奪冠，然後喺2000年左右正式入行，但發展唔係咁理想。楊尚斌後來曾經轉型做舞蹈員，仲同何浩文等人組成男團Bro5，但可惜最後解散咗。其後佢參加過彭秀慧嘅戲劇班，仲獲得賞識參演電影《29＋1》，演周秀娜嘅男朋友^[1]。