楊恩健

楊恩健，FSDSM係現任香港消防處長，由於佢上任時香港繁榮穩定，原本香港市民冇乜留意佢，不過佢同民建聯柯創盛等政黨合力宣揚消防處新政策，積極同大陸同類部門交流，以及改革組織，動用消防員打擊恐怖主義，維護國家安全嘅舉動，令到內地人民對佢尊敬有加，中央領導人亦因此十分信賴佢，不過宏福苑大火發生之後，唔止平民死咗一大批，下屬何偉豪更因此殉職，佢嘅陰暗面被揭露，被紛紛批評為廢官甚至貪官，有參與緊宏福苑及穗禾苑等多宗樓宇大維修億元級別詐騙活動嘅嫌疑。

爭議

楊恩健在任消防處處長期間香港發生多次棚網起火嘅災難，噉嘅情況對比以前實屬異常嚴重，包括中環華懋大廈三級火、屯門青磚圍竹棚火、西環德輔道西的外牆棚架網火警、尖沙咀中間道「海員之家」重建地盤四級火，有零星聲音要求加強檢查處罰，頭幾次冇人死。不過2020年國安法生效起，傳媒同公眾感到社會和諧穩定，況且覺得費事為商界利益杞人憂天，多數話之佢哋，而且佢標榜消防處參與反恐工作，唔認為香港有恐襲危機嘅多數百姓更係瓜田李下，避免被誤判為軟對抗，後來2025年宏福苑大火發生，多人喪命，冇跡象顯示涉及本土或外國恐怖主義活動，反而有明顯線索涉及親大陸香港政商界大規模貪污腐敗，楊恩健終於備受關注。

穗禾苑強制大維修嗰陣，居屋業主覺得收費唔尋常噉貴，認為在朝穩定藍政客經民聯區議員鄧肇峰、親中愛國建築公司、特區政府高官同業主立案法團大規模舞弊，合作圍標掠水港幣億元計，於是2024年揾嚟在野時黃時藍政客潘焯鴻幫手維權反腐，其中亮點係潘方發放棚網樣本點火實驗影片，指包裹每幢樓宇嘅維修用嘅塑膠棚網都係易燃貨，唔係合約指明嗰款非易燃貨，一有火警就會快速蔓延，可以燒死好多人，鄧方就公開若干報告話都係安全唔危險嘅正品，潘方於是向消防處正常投訴，一年間超過十次，一直被冷處理，改為用異常手段上網公審楊恩健佢都係無動於衷，受較多穗禾苑居民信任嘅潘方就鬧鄧偽造報告，指出文件上嘅所謂白色安全貨喺現場根本唔存在，在場嘅都係易燒着嘅綠色嘢，對政府同建制派嘅疑似無良弁財手段愈發不滿。

宏福苑出事之後消防處就整報告話宏福苑啲棚網安全性合格，反而話發泡膠填充物同竹竿唔好，後來楊恩健同李家超、陳國基、甯漢豪分頭配合，推動規定建築界改為採用鋼架嘅政策，該舉動立即得到大陸政商界歡迎，認為對金屬行業有經濟貢獻，不過廣大市民一般相信佢哋正係嘗試發死人市難財同博加官進爵，因為從宏福苑殘駭見到竹枝多數冇着火跡象，跌落街嘅部分只係因為綑綁物料被燒爛，而啲依附喺竹竿上面嘅棚網除咗幾忽之外（下段有呼應內容）都燒到八八九九，而且大陸發生好多單冇宏福苑嗰單火勢咁猛嘅火燭，鋼棚都倒塌咗，佢哋嘅重量遠高於竹竿，傷人損物更勁，顯示鋼棚唔似比竹棚穩陣，覺得佢哋唔止自欺欺人，仲要咁馬虎，更加悲憤，至於發泡膠易燃性官民都大致唔反對係重要禍根之一，呢部分嘅爭議大概被限定喺表裏皆藍黃碧嬌-鄧國權團隊對外黃內藍莊榮輝-徐滿柑團隊及宏業公司對鴻毅公司等邊個忠邊個奸定係狼狽為奸嘅範圍，政府主旋律係佢哋太狡猾，長期欺騙善良廉潔嘅政府官員。與此同時，鄧方又做新嘅測試同整更多文書報告話穗禾苑啲棚網冇唔妥，今次鄧有份寫咗消防處話測試過話得嘅政府公告背書，居民發現問題嗰啲位置消防處始終投訴極都唔理睬，由得啲易燃嘅繼續喺度，再次對外宣稱物料安全，業主對於消防處同經民聯用威脅生命嘅手段合作搶奪佢哋積蓄嘅懷疑同怨恨又再加深。

香港懶人包聲稱收到消息，講解所謂消防處文職團隊造假手法——宏福苑棚網有新舊兩款，顏色一深一淺，一款唔合格一款合格，現場唔合格嘅幾乎燒嗮，合格嘅損毀唔嚴重（由災場外觀可見有分明界線），消防處就專登只揀後者測試，然後對外籠統公布實驗過關；消息難以核實，不過同穗禾苑居民控訴內容吻合。

與此同時，香港人心惶惶，多個維修中屋苑嘅居民自發對棚網採樣測試，其中唔少宏業集團承辦嘅地方採用嘅棚網被發現都係易燃劣質貨，甚至絕對效忠中國共產黨嘅《文匯報》都有員工冒住重大政治風險，見證消防處錯誤批准或疏漏冇檢查嘅物料唔符合法定消防標準，顯示消防處楊恩健領導下嘅消防處縱使喺防範恐怖主義襲擊功能有卓越功德，不過喺防範火災方面可能長期嚴重失職，甚至可能參與詐騙，甚至話唔定係罪魁禍首，害死公眾同低級消防員。

隨後，對中共忠誠度比上述報館稍低嘅無綫電視亦有人攞自己嘅前途嚟教飛，揾咗非任職消防處嘅所謂專家測試穗禾苑棚網有幾難燒得着，公布結果竟然同中科監察潘焯鴻一方展示嘅吻合，導致經民聯鄧肇峰、消防處楊恩健等利益集團長年一齊敲詐勒索穗禾苑業主過億圓港幣，甚至喺宏福苑大火發生之後都唔肯放棄其他即將到手賊贓嘅陰謀論更多愚民誤信，市民對於消防處近年將工作重心改為放喺對抗恐怖分子上面固然衷心支持，不過渴望廉潔程度稍為改善，以恢復作為次要任務嘅防火工作嘅水準。