標準字

標準字（粵拼：biu1 zeon2 zi6），係指寫法、用法上符合官方、正式場合或主流嘅字，又叫正體zing3 tai2、正字zing3 zi6。相對應嘅概念係俗字、異體、通體。注意，標準字唔等於本字。

官方標準

目前漢字有以下嘅官方標準。

傳統字

• 中華民國頒佈咗《常用國字標準字體表》、《次常用國字標準字體表》、《罕用字體表》，呢個係中華民國方面出嘅傳統字嘅標準。
• 香港頒佈咗《常用字字形表》，呢個係香港出嘅傳統字嘅標準。
• 韓國沿用保存傳統漢字，1972年頒佈嘅《敎育用基礎漢字》係中高等學校度教傳統漢字嘅標準。

簡化字

• 中華人民共和國喺2013年頒佈咗《通用規範漢字表》，係目前簡化字嘅標準，不過基本上沿襲之前《簡化字總表》、《第一批異體字整理表》、《印刷通用漢字字形表》。
• 星架坡出過自己嘅簡化字表，不過1976年後轉用中國大陸嘅簡化字表，可以睇吓星架坡字。

新字體

• 日本目前嘅新字體標準係《常用漢字表》，外加《人名用漢字》。用字標準係《同音漢字書寫規則》。

睇埋

• 異體
• 俗字
• 通體
• 本字
• 傳統字
• 簡化字
• 新字體