標準德國話

標準德國話biu1 zeon2 dak1 gwok3 waa2（Standardhochdeutsch）係指「標準」嘅德國話：唔同德國話方言差異可以幾大，甚至局部唔互通，而標準德國話就係講唔同德國話方言嘅人用「德國話」溝通嗰陣用嘅語言變體。

背景

德文屬於日耳曼語言，同英文係相對接近嘅「語言親戚」。德文廣泛噉分佈喺中歐多地，包括德國、奧地利、瑞士同埋比利時等多地，都有好多人係用德文嘅；不過事實表明，呢幾笪地方嘅人雖然普遍都識寫標準德文，但一叫佢哋講各自本土語言，佢哋講嘅話往往近乎冇互通能力咁滯；噉係因為德文區有雙層語言嘅情況—例如阿勒曼尼話主要分佈喺瑞士同德國南部，呢隻話成日畀人當係「德文」，但隻話同標準德文根本冇互通能力，喺文法等方面亦有明顯嘅差異，同時（至少喺廿世紀嗰陣）學校又成日教阿勒曼尼話嘅使用者要用標準德文寫嘢，就出現雙層語言嘅情況。

睇埋

• 方言連續體
• 柏林