樟侖

樟侖（馬來話：Changlun；泰文：ช้างหล่น），又譯做象隆。係馬來西亞北部吉打嘅邊境城鎮，喺古邦巴素縣，距離首府亞羅士打大約42公里，隔離就係泰國國境。人口大約有1,500人，馬來人同華人分別佔四成六同三成九。樟侖一詞源於泰文「ช้างหล่น」（拉丁拼音：Chang Lon），即係指「倒下嘅大象」。

樟侖-玻璃市港口高速公路同埋南北大道嘅建設唔單只帶動咗呢個鎮經濟發展，同時亦方便人民用公路前往重點教育機構，例如馬來西亞北方大學（UUM）、亞羅士打教育局、吉打大學預科班學院（KMK）、玻璃市大學預科班學院（KMP）、瑪拉工藝大學亞婁校區、玻璃市大學亞婁校區同埋玻璃市理工學校。