檔案系列

出自維基百科,自由嘅百科全書
跳去導覽 跳去搵嘢

檔案系列》係香港電視廣播有限公司新聞及資訊部公共事務科自1987年3月10號(禮拜二)開始播出嘅一檔粵語類新聞節目,由於首播嗰陣係星期二,所以開頭命名為《星期二檔案》。每個禮拜聚焦喺熱門新聞人物,特寫報道;或以人性化角度,透過走訪社會唔同階層,唔同界別人士,深入探討大眾關切嘅政治、社會民生等議題。

節目名[編輯]

呢個節目會隨住喺禮拜幾播而改名,例如喺禮拜一播就叫做《星期一檔案》,禮拜二播出就叫做《星期二檔案》,如此類推。喺myTV SUPER裏面係叫《檔案系列》,基本版或myTV Gold嘅用戶都可以收睇開播以嚟嘅大部分集數。其他機構用過《星期(某天)檔案》/《星期某天檔案》嚟統稱[1][2]

播放時段[編輯]

由於《廣播條例》喺1990年訂立無綫同亞視嘅免費電視服務牌照條件,規定當時兩間免費電視台,需要每年輪流喺禮拜一至禮拜五晚上7點至7點半,或者禮拜六日晚上7點至8點半,喺粵語節目頻道中,每個禮拜各播放兩個半鐘嘅香港電台節目[3],所以呢個節目每隔一年就會喺禮拜一至禮拜五其中一日嘅黃金時間播,而另一年就喺禮拜六或禮拜日又或者喺禮拜一至禮拜五黃金時間以外嘅時段播。

2015年開始無綫喺續電視牌12年後,通訊局開始畀無綫喺播放節目上有更大彈性,平日播放嘅港台節目可以編排喺黃金時間以外嘅時段播放。2016年開始呢個節目通常都喺禮拜日播,叫做《星期日檔案》。

節目一覽[編輯]

出面網頁[編輯]

參考[編輯]

  1. 彭嘉麗 (2005-03-14). "2004電視節目欣賞指數 第四階段調查及全年綜合結果概述". 香港電台. 原先內容歸檔喺2022-01-13. 喺2022-01-13搵到.
  2. 鍾庭耀. "優質電視節目巡禮". 香港大學民意研究計劃. 原先內容歸檔喺2020-10-24. 喺2022-01-13搵到.
  3. "無綫播港台節目屬廣播條例規定 1990年已訂免費電視牌照條件". 香港01. 2017-07-05. 原先內容歸檔喺2021-07-28. 喺2022-01-13搵到.