檸檬市場
《檸檬市場》（全名：《檸檬市場：產品質量不確定性同市場機制》；英文：The Market for Lemons: Quality Uncertainty and the Market Mechanism）係美國經濟學家佐治•阿卡洛夫（英文：George Arthur Akerlof）喺1970年發表嘅一篇關於信息唔對稱造成劣勝優汰現象嘅論文。伊篇論文令到阿卡洛夫喺2001年攞到瑞典國家銀行經濟學獎。
理論大概
[編輯]阿卡洛夫用二手車市場做例子：喺二手車市場裏面，賣家對二手車嘅瞭解絕對多過買家，所以兩者之間關於二手車嘅信息係唔對稱嘅。為咗避免信息唔對稱造成嘅損失，買家一定要猛咁殺價，無論賣家賣嘅二手車有幾堅都好，買家都唔會出好價。調返轉頭來講，買家唔願意出好價，令到賣家又唔願意再出售堅嘅二手車。咁樣惡性循環之後，堅嘅二手車就會逐步被鎏嘅二手車逼到無曬市場，而買家再想買堅嘅二手車都無得買啦。
參考
[編輯]- 《檸檬市場》原文，麻州理工學院出版社；
- 杜頻，《警惕“檸檬市場”》，《咬文嚼字》2011年第5期第36~38頁。