歐拉角

歐拉角（英文：Euler angles；個名嚟自著名 18 世紀瑞士數學家歐拉）係一種用嚟表達物體嘅定向嘅做法。

想像家陣有嚿物體身處喺個 3D 嘅空間裏面，

1. 設嚿物體家陣個定向做對照（reference）；
2. 因為嚿物體身處喺立體空間，佢嘅位置可以用 XYZ 三條軸嚟度；
3. 揀 XYZ 入面其中一條軸，將嚿物體沿嗰條軸固定，再向想要嘅方向轉 $\alpha$ 咁多角度；
4. 將步驟 3 重複最多兩次；
5. 最後得出一串三個（要有特定次序嘅）數（好似係 $\alpha ,\beta ,\gamma$ 噉），可以用嚟表示嚿物體喺空間裏面嘅定向。

一個立體空間入面嘅三條軸 一個立體空間入面嘅三條軸  將一嚿大致成球體嘅物體旋轉；第一吓旋轉係固定咗打戙條軸嚟轉嘅。 將一嚿大致成球體嘅物體旋轉；第一吓旋轉係固定咗打戙條軸嚟轉嘅。  一塊圓形平面嘅旋轉用歐拉角嚟表示－藍色係轉前嘅位，紅色係轉後嘅位。 一塊圓形平面嘅旋轉用歐拉角嚟表示－藍色係轉前嘅位，紅色係轉後嘅位。

到咗廿一世紀初，歐拉角嘅諗嘢方式好多人採用，例如啲人整電子遊戲或者 VR 嗰時就好興用歐拉角嘅方法嚟教電腦記住虛擬世界入面每件物體嘅定向。