歐洲梣

樹身

歐洲梣、歐洲白蠟樹，樹一種，落葉喬木，生物分類木樨科梣屬，與橄欖同科。主要原生歐洲大陸。東起高加索同厄爾布爾士山脈，西到大不列顛島同愛爾蘭，至北掂到挪威。紐西蘭、美國、加拿大都種咗好多。

呢種樹生得大樖。一般生到十二到十八米高，樹幹直徑兩米。有啲生到卌三米，直徑三米半。樹冠偏窄。

木材用法好多，有彈性、易用、夠堅又夠輕。

名

拉丁學名Fraxinus excelsior。英文ash就指呢種樹，所以又叫common ash，或者指名European ash。

由於中國無依種木，早年就借用其他樹來叫，秦皮、檬、櫰、槐、榿、黃槐咁。香港Ash Street，就繙做槐樹街。