武當太極拳

出自維基百科,自由嘅百科全書
Jump to navigation Jump to search

武當太極拳係一種結合道家哲學嘅拳術。 相傳由張三丰所創嘅其中呢種武當內家拳,將道家太極、陰陽、五行、八卦、九宮嘅理學、中醫學和道家內功與民間武學熔為一爐,運用陰陽變化、相生相剋、煉精化氣,煉氣化神、煉神還虛,煉虛合道嘅道理融入拳理之中而創立武當太極拳[1]。 「武當太極拳」爾個詞既可以指特定嘅太極拳,又可以指包括武當武術拳術掌術嘅廣義武當拳術。武當太極拳得到武術界很高嘅評價,故素有「天下太極出武當」以及「南尊武當」之說。

起源[編輯]

武當太極拳嘅起源和發展同中國嘅道教文化哲理思想有著密切嘅關係,深受《易經老子道德經》嘅影響。元朝王重陽(1112~1170)創立全真教。 全真派武術之中很可能已經包含太極拳或同類拳法,而由張三丰融會貫通自成新套路。至於張三丰(13XX-14XX)創立太極拳嘅經過則有以下傳說︰一種講法係張三丰修煉時看到蛇鶴相爭從而領悟出太極拳,至於另一講法則係張三丰得到真武大帝神受[未記出處或冇根據]

特點要決[編輯]

武當太極拳嘅特點係「周身俱要輕靈,尤須貫串,氣宜鼓盪,神宜內斂。」「其根在腳,發於腿,主宰於腰,形於手指。」能夠“拳打臥牛之地”,基本上兩米方圓足以施展,其中除螺旋纏絲外,涉及九宮、八卦嘅方位[1]

武當太極拳嘅要訣係「拳隨心境,舒展綿長,恢宏大氣,容萬物於心。」唔單止強身健體,重可以防身自衛。佢結合咗練精化氣、練氣化神、練神還虛,還虛合道嘅道教氣功功法,開人智慧、發人體能,使人延年益壽、長生久世,係一種集武術與養生一體嘅上乘拳法。

武當出家人食齋﹑比如蔬果豆類松子松針。練氣功習武更要節制性慾。天蒙蒙光就要起身上山採大自然靈山靈氣練武。

基本動作[編輯]

武當太極拳嘅基本動作係十三勢,即係掤、捋、擠、按、采、捩、肘、靠、進、退、顧、盼、定,動作以崩、履、擠、按、採、列、肘、靠為主,應用中隨、連、粘、貼,連綿不斷、行雲流水。

武當太極拳嘅練習過程分三個階段:首先練形、然後練氣、最後練神。內含功法主要有:吐納導引功、外氣採補功、混元站樁功。要求演練者虛靈頂靜、含胸拔背、沉肩墜肘,動作舒展,做到神形俱妙。佢動靜結合、內外相含,係內外雙修嘅至寶,係人體性命嘅源泉。

套路招式名[編輯]

基本上各家太極拳有若干共通嘅動作如 掤、捋、擠、按...等等,但係次序﹑組合﹑名稱 唔同。

部份武當太極拳招式名稱和一般早期俗家子弟所傳和發展嘅派別如陳氏楊氏太極唔同。 最有可能情況係喺將太極拳傳播嘅過程裡面,因應時勢﹑學與教嘅實際情況而改變名稱。 武當太極拳招式名稱多數忠於原來靈感,例如下面幾個就源自野生生物,並同天地日月有關:懷中抱月﹑海馬吐霧﹑黑虎巡山。大部份名稱也較高雅。其他非武當派系嘅招式名多數就以動作形態為主方便平民記住同學習: 手揮琵琶﹑搬攔捶﹑抱球式。

招式名粗略比較表[編輯]

武當太極拳招式名稱 非武當派系太極拳招式名稱
較多忠於原來靈感源自野生生物與天地日月有關 較多以平民易記明動作形態為主
自然界有關招式名稱,例: 金龜入水﹑懷中抱月﹑撥雲見日﹑海馬吐霧﹑黑虎巡山﹑丹鳳朝陽﹑蛇雀爭雄﹑獅子滾球... 動物有關招式名稱,例: 白鶴亮翅﹑野馬分鬃﹑金雞獨立...
以易記明動作形態名稱,例:葉底摘桃﹑腋底藏花 以易記易明動作形態名稱,例:抱球式﹑雲手﹑摟膝拗步﹑如封似閉﹑搬攔捶﹑雙風貫耳﹑抱頭推山﹑閃通背﹑旋風腳 ...
和道教師徒生活哲學相關(如仙道意境)例:老君煉丹﹑仙人過澗﹑二仙傳道... 和平民生活興趣相關,例: 玉女穿梭﹑手揮琵琶﹑高探馬...
相同名稱: 十字手﹑攬雀尾﹑推窗望月... 相同名稱: 十字手﹑攬雀尾﹑推窗望月...

也有可能因為口耳相傳﹑口音問題﹑文化水平問題而出現「變化」: 例:攬札衣 ↔ 攬紮衣 ↔ 攬擦衣 ↔ 懶紮衣嘅

流傳[編輯]

秘傳武當太極拳[編輯]

武當功夫承傳隠秘,深受道家思想影響,長期以來,武當派始終堅守「寧可失傳,不可亂傳」嘅古訓,且歷代傳人雲游四方,大多歸隱山林,密不外宣,影響武當功夫嘅傳播與發展。[1] 因此,武當太極拳如神龍不見首尾,甚至世間一度出現武當太極拳失傳嘅說法。

事實上,武當太極拳無失傳,而係秘傳,兼且喺廟內單線秘傳,而門規甚嚴,故難得一見[2]

近代政府推廣多辦全國武術大會。 部份掌門比較開明,加上政府同商業因素,道教中人開始多收徒弟外傳。

谷歌搜尋結果, 現保留武當稱號嘅,最少可見有武當玄武派武當三丰派閭山武當三丰自然派﹑武當(全真)龍門派

走入民間[編輯]

一般民間太極拳可歸納為四大派系,即南派太極拳、北派太極拳、本山派太極拳、散派太極拳。爾四大派中,南派太極拳源自張三丰,並融匯江南八家名拳而自成一家。北派太極拳則係由張三丰徒第傳入民間,首傳山西王宗岳,王再傳畀河南溫縣趙堡人蔣發,蔣發之後一直喺趙堡傳到而家有十三、四代,叫趙堡太極拳。蔣發又傳畀陳溝人陳王廷,陳將家傳“炮捶”與太極豢嫁接,發展形成為陳式太極拳。陳氏後人陳長興盡得蔣發所傳太極真締,因受本族限制將藝傳與河北永年人楊祿纏,楊氏父子又得道門高人點撥,形成楊式太極拳一派[3] 。繼而再發展出其他各個太極拳門派。

普及[編輯]

武當各派設立功夫學院﹑武術館等, 開設唔同課程教太極拳同堆相關武當武術。 亦有私人傳授。 只有一部份人正式入門, 完全數年課程。

近代開始中外各國推廣太極。為方便唔同年齡體質人士,出現唔同版本包括簡化了嘅十三式,以至三十六式/三十八式...等。 武當各派師徒開始寫書﹑拍錄像﹑接受電視台訪問拍攝特輯﹑公開授徒等方法傳藝。 坊間亦間中出現99式以至108式版本。 香港以至西方國家習武之士亦到中國拜師學藝。

間中亦有武當中人如游玄德掌門到海外推廣。

網上部份資料間或把武當其他拳術一概稱為武當太極拳。

部份太極拳已經有意無變成太極操。失去武功退敵自衛作用。

門派分支與人物承傳[編輯]

道教武當門派分支眾多。粗分南武當北武當之外,分全真龍門派﹑正一派﹑真武玄武門/玄武派、三丰自然派、...等七八個分支。

也因為跟多位師父學習唔同武術,加恢復上玄武派,一人同時承傳兩派功夫也係常見。 正式拜師入門嘅入室弟子比俗家弟子承傳更多更深入,而且包含拳術以外嘅哲學﹑宗教﹑醫術﹑秘傳知識等。

其中傳武傳太極嘅歷代師徒人數也眾多。很多正式上山修道者很少接觸傳媒甚至互聯網,不為外人知道。 暫時列舉相關人物多係開班授徒﹑任職高位﹑名人之師父﹑已推出書本或錄像影碟﹑參加武術交流大會或表演者。

即使同一門派分支,近代人跟多位師父學習,融會貫通加創新,每代武當太極拳也會出現一點增刪變化或改進。

玄武派[編輯]

相傳武當派開山祖師張三丰,本名張全一,字玄玄,之際著名道士[4] [5]。於湖北均縣武當山修道,供奉玄天上帝為主神 (时,皇室封号武当山真武神),因玄天上帝,本名玄武大帝,故武當派亦稱為玄武派,係武當山的本山派系。 玄武派因為歷史原因曾經中斷。1989年農曆九月九日,武當山道教協會決定恢復「武當玄武派」[6]。武當玄武派承接原來第十二代,恢復承接嘅第一代為第十三代弟子,第二代由1986年嘅陰曆正月初一開始。

武當玄武派弟子輩份排行用字:

宣淵一道志,求德振常存,照應通玄理,微希太景成,武當興法派,惟仙尊之宗,大岳氣自然,五龍呈祥煙,玉虛宏圖展,三丰丹技傳,南岩捧聖真,紫霄永吉昌。

  • 王光德/王自德 (1947-2001):道名 王通聖,玄武派第十三代掌門人,中國道教協會副會長、湖北省道教協會會長、十堰市政協副主席、丹江口市政協副主席、武當山旅游經濟特區副區長、武當山道教協會會長[7] [8]
  • 游玄德(1965-),道號:玉京子、洞天真人,號松鶴山人。武當玄武派第十四代掌門人[9] [10]。曾跟隨 呂明道朱誠德王通和(王維慎)、武當山玄武派第十三代掌門王通聖等習武[11]。承傳三丰祖師當年所創,只傳武當山道人之「秘傳武當太極拳」。大力推廣「武當內丹養生術」及「武當功夫」。中外弟子眾多。十五代弟子係「理」字輩。入室弟子有數十人,較爲傑出者有田理陽朱理明袁理敏田理芳陳理勝周理參王理平(王平)、王理東(王文東)、羅理英(羅哲英)、李理浩唐理龍陳理展王理安余理庭.......等。外國弟子有游理太游理瑞游理漢游理倫游理蘇等。著有《秘傳武當太極拳》(2009)、《武當道教養生導引術》(2010)[12]
  • 袁理敏傳第十六代弟子張微海,袁微鑫,熊微正…等等[13]
  • 羅理英(羅哲英):道號:清風子。 香港人。香港道教聯合會「武當養生功」及「秘傳武當太極拳」導師[14][15]
  • 玄武派第十七代弟子有:希真,希武,希寶,希劍,希峰,希靈…等等[16]

三丰派[編輯]

武當三丰派承傳徒弟輩份用字 : 玄元通道居端靜,白鶴乘虛向自清,師資月圓皈志禮,身中抱一管丹成,太上淵微入妙園,凌雲星朗貯壺天,功候到日方許就,始悟真言信可傳。

三丰自然派[編輯]

相傳之武當派開山祖師張三丰,本名張全一,字玄玄,之際著名道士,遼東懿州人[27] [28]。因此,武當派在遼東 (今之遼寧省的閭山) 留下一脈支派,稱為三丰自然派。

其他[編輯]

承傳人物眾多[38]。 武當全真派詳見其他相關條目。以下僅略附作參考唔同武當派別太極承傳路線。

  • 金山派:因發源於山東嶗山,又稱嶗山派。由龍門第四代孫玄清所創。據《玄門必讀》等載,孫玄清,字元玉,號金山,又號海嶽山人。1926年北京白雲觀抄藏嘅《諸真宗派總簿》載有該派傳承傳代徒弟輩份用字。
  • 玄一道人/黃崧峻博士:武當學院院長。一說為三丰玄字輩第15代傳人之一[39]

參考[編輯]

  1. 1.0 1.1 1.2 《秘傳武當太極拳》, 游玄德 ,人民體育出版社,2009,ISBN:9787500936909
  2. "存档副本". (原先內容喺2007年2月20號歸檔). 喺2013年8月20號搵到. 
  3. "存档副本". (原先內容喺2015年2月15號歸檔). 喺2013年8月20號搵到. 
  4. "存档副本". (原先內容喺2017年12月2號歸檔). 喺2015年6月2號搵到. 
  5. "存档副本". (原先內容喺2016-01-19歸檔). 喺2019-02-13搵到. 
  6. http://baike.baidu.com/view/8171323.htm
  7. http://baike.baidu.com/view/3600413.htm
  8. http://www.ctcwri.idv.tw/ct-wd/CTWD001/CTWD001-1/CTWD001-1-6新中國誕生後的武當道教/A303304-6-2-1武當山道教協會的成立及歷屆組織機構.htm[失咗效嘅鏈]
  9. "存档副本". (原先內容喺2013年8月9號歸檔). 喺2013年8月20號搵到. 
  10. http://www.eastday.com/epublish/big5/paper148/20030115/class014800014/hwz866343.htm
  11. http://baike.baidu.com/view/1768235.htm
  12. http://www.jd.com/writer/游玄德_1.html
  13. http://baike.baidu.com/view/8171323.htm
  14. https://sites.google.com/site/wudanghk/main
  15. http://www.hktaoist.org.hk/
  16. http://baike.baidu.com/view/8171323.htm
  17. http://www.youtube.com/watch?v=1nm0KNmBwHw
  18. http://blog.sina.com.cn/s/blog_7229a6600100oa71.html
  19. "存档副本". (原先內容喺2012年7月7號歸檔). 喺2013年8月20號搵到. 
  20. http://www.wdgf.cn/
  21. http://coz.tw/dz6/thread-44463-1-1.html
  22. http://www.youtube.com/watch?v=1nm0KNmBwHw
  23. http://baike.soso.com/v448961.htm
  24. "存档副本". (原先內容喺2011年10月9號歸檔). 喺2013年8月20號搵到. 
  25. http://www.youtube.com/watch?v=fMD025im8js
  26. http://www.youtube.com/watch?v=1nm0KNmBwHw
  27. "存档副本". (原先內容喺2017年12月2號歸檔). 喺2015年6月2號搵到. 
  28. "存档副本". (原先內容喺2016-01-19歸檔). 喺2019-02-13搵到. 
  29. http://bbs.wushu.net.tw/viewthread.php?tid=2522&sid=4J1s07
  30. http://baike.baidu.com/view/2453944.htm
  31. "存档副本". (原先內容喺2016年3月5號歸檔). 喺2013年8月20號搵到. 
  32. http://bbs.wushu.net.tw/viewthread.php?tid=2522&sid=4J1s07
  33. http://www.56.com/u65/v_NTA5MDMyMTQ.html
  34. http://www.dlzhangqi.com/about.asp?id=1&qiao=1
  35. http://www.56.com/u65/v_NTA5MDMyMTQ.html
  36. http://v.youku.com/v_show/id_XNzQwODc2NTY=.html
  37. "存档副本". (原先內容喺2016年3月5號歸檔). 喺2013年8月20號搵到. 
  38. http://jianshan.blog.hexun.com.tw/7860200_d.html[失咗效嘅鏈]
  39. http://www.wudangacademy.hk/content.php?p=4&o=1[失咗效嘅鏈]