比華利山 (香港)

出自維基百科,自由嘅百科全書
跳去導覽 跳去搵嘢
比華利山連道入口近攝
比華利山連道入口

比華利山香港嘅一個私人豪宅屋苑,位於香港島跑馬地樂活道6號,嚮1988年落成,發展商為恒基兆業恒隆地產。比華利山由10座高30至37層嘅樓組成。

歷史[編輯]

比華利山現址前身為一稱為「朗園」嘅別墅,為培僑中學嘅校舍。1983年,該校遷往寶馬山,並將地皮交由發展商興建比華利山,而發展商亦資助培僑起新校舍嘅資金。

比華利山喺建築過程之中,採用當時先進嘅技術,克服大樓坐落於斜坡之上嘅問題。

意外[編輯]

冧棚架事件[編輯]

2021年10月8號上晝10點左右,受熱帶風暴獅子山帶嚟嘅暴雨影響,比華利山外牆嘅大幅棚架塌咗落去樂活道,令條路全線封閉。兩架私家車俾棚架壓住,消防員接報到場救出兩名司機,其中一人手部受傷,另一人拒絕送院。事發當時有5男兩女工人,其中兩名工人一度被困,一人被救出時清醒,另一名55歲女工用咗80分鐘先被救出,嗰時佢已經昏迷,嘴部有血,眼又腫,之後由救護車送去律敦治醫院,經搶救證實不治[1]

參考[編輯]

  1. "比華利山塌棚架壓死女工 消防花近個半小時搜救 工程由中資華營建造承辦". 立場新聞. 原著喺2021-10-08歸檔. 喺2021-10-08搵到.