毛地黃屬

毛地黃

毛地黃屬， 生物分類一屬，有廿六個品種左右，草有樹叢有，多年生有、二年生有，歸車前科毛地黃族。呢種一般叫毛地黃、洋地黃。拉丁學名Digitalis，意思手指，皆因佢啲花好似指套咁，亦似頂針，少數會叫指頂花。

原產於歐洲、西亞、西北非。花管狀，生喺高穗狀花，色睇物種，紫、粉紅、白、黃都有。

傳統歸玄參科，親緣關係學改歸車前科。

出名物種毛地黃，兩年生植物，花鮮艷，紫、粉紅、純白，有痕有斑，經常種來做觀賞植物。但亦係出名有毒。其他花園物種有鏽點毛地黃、大花毛地黃、黃花毛地黃、小花毛地黃。

洋地黃亦借用指強心苷，可以製藥，尤其地高辛，屬中好幾個品種抽出來。話可以藥用，但人同哺乳動物食咗中毒，非死即重病。

描述

幼株蓮座葉叢

草本二年生、短命多年生。第一年生個蓮座葉叢，第二年生出條直立開花莖。葉簡單，螺旋排列，上面有柔毛兼腺毛，少少羊毛質地。花細長，末端羣生，管狀下垂，紫色最多，內面有斑。蒴果入面好多種子，細細粒。

語源

一五九二年繪，盛開毛地黃。國家藝廊。

毛地黃屬話個款似中藥地黃，而啲葉又生滿絨毛。

拉丁屬名Digitalis來自拉丁文digitus，意思手指。一五四二年，里安夏福士出咗本植物誌評註至先咁叫，但佢基於俗話德文Fingerhut，手指帽，即係頂針。

古英文有foxes glofe/glofa ，即狐手套。時間耐咗，民間神話模糊個名字面起源，暗示狐打獵物，將花戴爪上，可以靜雞雞。狐藪置喺山邊林，用毒花冚住。更惡名都有，好似巫師手套，指佢有毒。

分類

黃洋地黃

開花同花冧

一七五三年，拉丁學名由林奈發表。 一九三〇年，選定模式標本指名1930年指定毛地黃。

屬之下，有廿六物種、十二雜交種分入七節。

• 毛地黃節。Digitalis sect. Digitalis
• 木本節。Digitalis sect. Frutescentes
• 球花節。Digitalis sect. Globiflorae
• 大花節。Digitalis sect. Grandiflorae
• 木地黃節。Digitalis sect. Isoplexis
• 次高山節。Digitalis sect. Subalpinae
• 管花節。Digitalis sect. Tubiflorae

生態

一團咁生

毛地黃夜蛾幼蟲會食毛地黃花。其他鱗翅目物種會食葉，當中有黃翅夜蛾。而獨特花形，特別吸引長舌蜜蜂，例如牧場熊蜂。花色鮮艷吸引蜜蜂降落花冠下唇瓣，然後再爬入花筒。蜜蜂由其他毛地黃身收集到花粉，就喺處掉落，促進繁殖。

用

藥

草藥師萃取出藥。但其治療指數窄，難以測定草藥製劑中有效成分含量，大體上放棄咗。但發現佢可以調節脈搏，就好多用法，治癲癇等病，不過現今䏲成唔恰當。

毛地黃提取藥物叫做洋地黃素。一七八五年威廉韋化靈描述毛地黃有強心苷，提取來治心臟病，可謂現代治療學開端。當代醫學用毛地黃屬，尤其長葉毛地黃抽出地高辛，用來增加心肌收縮力，即係正性肌力藥，同埋做抗心律失常藥，控制心跳速率，特別係針對心房顫動，控制不規則跳得好快。

因此經常處方畀心房顫動病人，尤其確診咗充血性心臟衰竭。一九九八年，美國食品藥物管理局批准地高辛，用來治心臟衰竭。咁基於前瞻性、隨機研究同臨床試驗。亦都批用喺控制心房顫動病人心室反應率。但係近年引入咗幾款新藥，同理死亡率上升安全疑慮，促成地高辛使用率下降。不過，隨機對照研究，系統性綜述顯示，死亡率用安慰劑無分別。呢個研穹包含七十五項研究、有四百萬病人年隨機應變追蹤，設計良好得出。

吉卜賽人用佢治療濕疹。

變化

藥理活性化合物，提取自第二年葉。以化學通用名，洋地黃毒苷、地高辛 。兩種分別，地高辛在 B 環，鄰近戊烷C-3 位置上，多咗個羥基。地高辛半衰期因而約一日，如果腎功能受損就會延長。而洋地黃毒苷，半衰期約七日，唔受腎功能影響。這兩種分子都包含一個內酯、一個三重重複醣類，稱為苷類。

機制

毛地黃個原理靠抑制鈉鉀泵。過程會增加細胞內部鈉離子濃度，減少細胞膜兩側濃度梯度。細胞多咗鈉離子，會倒轉鈉鈣交換體運作方向。原本泵鈉入細胞、泵鈣出細胞，變成泵鈉出細胞、泵鈣入細胞。細胞質入面鈣離子濃度增加，改善心肌收縮力。生理正常，心臟收縮要細胞質鈣，出自肌漿網，係個細胞器儲儲鈣。不過，初生嬰兒、部分動物、慢性心臟衰竭嘅患者，佢哋肌漿網發育並唔完全，或者功能未夠健全。咁要靠鈉鈣交換體，攞細胞質鈣，以供心臟收縮。要做到，細胞質內鈉濃度，要高過正常水平，先至可以促使倒轉交換方向。初生嬰兒、部分動物，會心跳快啲自然搞手掂。慢性心臟衰竭患者，要服地高辛等藥物達成。增強心肌收縮力，每次心搏輸出量會隨之增加。最終，強心苷會提升心臟輸出量，即心搏輸出量，乘以心跳速率。咁就個機制，點治充血性心臟衰竭。

毛地黃對副交感神經系統亦有迷走神經效應，減慢心房顫動期間心室率。之不過若有旁路，咁反而會使心率加快。靠迷走神經效應，意味患者交感神經系統驅動過高時，例如急性重症患者、運動期間，毛地黃會失效。

分子探針

地高辛配基實情類固醇，喺毛地黃屬花葉入面搵到，通常長葉毛地黃提煉出來。地高辛可以用來做分子探針，組織入面原位檢測，重可以標記脫氣核醣核酸、核醣核酸、寡核苷酸。經化學修飾，佢好容易咁結合落去核苷酸度，例如尿苷咁。地高辛配基分子經常同核苷酸連埋一齊。而標記咗地高辛配基尿苷，經體外轉錄，植入去核醣核酸入面。核酸分子雜交之後，即係核酸鏈配對，核醣核酸帶有地高辛配基尿苷，就可以用結合咗鹼性磷酸酶，檢測抗地高辛抗體。

毒性

毛地黃繪

毛地黃屬物種可能有心臟類固醇苷幾種，可能致命性，同生理化學相關。咁要視乎物種而定。因此，毛地黃亦得不祥俗名，好似死人鈴、巫婆指套咁。毒素可經皮膚吸收，或吞服攝入。

毛地黃中毒，洋地黃服用得過量而引起，不良影響有傷腸胃、傷心臟、傷神經系統。腸胃就無胃口、想嘔、嘔心、肚痾。心臟就心跳過快、心跳過慢。兩者嚴重到某個地步，會令人暈低。神經系統就攰、神志不清，即譫妄，同埋好罕見黃視症，睇嘢變黃色變黃膽色。眼中毒就成個視野模糊，睇嘢有光暈，物件邊緣化開。有啲就瞳孔放大、流口水、全身無力、休克、抽筋，甚至死亡。

毛地黃中毒，直接落迷走神經核，間接抑制房室結。會搞到心跳過緩，即心率減慢。嚴重會引致心臟傳導阻滯。強心苷直接落心肌細胞，會增加細胞嘅收縮力、頻率，視乎劑量、心臟狀況、血液入面電解質水平，特別係低鉀、高鈣、低鎂，會引致心跳過速，即心率加快。毛地黃中毒引致心室顫動，一般唔適合做體外電復律，即電擊心臟，咁會令心律失常更複雜更持續。此外，急症情況下，治療心室顫動經典首選藥物胺碘酮，會令呢種心律不整惡化，通常會用次選藥物利多卡因。治輕度中毒係停藥，做一般支援治療。治嚴重中毒，就用抗地高辛抗體片段。

成樖有毒，根、種都有。致死罕見，但確係有。接觸個案，六歲以下細路為多，通常無心之失，一般唔會嚴重中毒。若青少年、成年人故意吞食，就會引致嚴重中毒。

搞錯而中毒死都有。毛地黃屬搞錯做聚合草屬，用來煲茶飲命喪。另外誤飲都有，細蚊仔飲咗花樽水，水插毛地黃屬植物。曬乾一樣咁毒。對好多動物有毒，家畜、家禽，貓狗都係。

大眾文化

一九八一年有猜測，話梵高黃色時期，可能受毛地黃影響。當時推斷，佢用咗毛地黃治癲癇，且有兩幅畫，畫咗呢類植物。然而，其他研究隨即質疑，梵高揀呢種色調，解釋方法非常之多。無明證指醫生開過呢種藥，梵高服用過呢種藥。梵高好多次寫信畀親友，話佢純粹中意用黃色。就算咁，個講法仍然好受歡迎。