民主思路

出自維基百科,自由嘅百科全書
民主思路成立典禮

民主思路Path of Democracy),係一個香港政治組織,初時係智庫組織,立場定位係中間派,2015年6月創辦,召集人係公民黨前成員兼立法會前議員湯家驊。但喺湯家驊加入行政會議之後,湯嘅立場同意見完全同泛民主派時期嘅佢相違背,所以大部分泛民主派支持者將湯家驊睇成係親中共建制派[1][2]

[編輯]

民主思路喺2015年6月成立,當時嘅香港經歷完雨遮革命,泛民主派同香港政府,以及北京政府關係完全破裂,甚至催生出香港本土派,主張同北京全面對抗。當時啱啱退出公民黨嘅湯家驊牽頭成立,定位係智庫同論政平台,並且打出「修補裂痕 重新上路」嘅口號[3],修補民主派同北京嘅關係。

創會成員入面由溫和民主派到建制派都有,例如陳祖為葉健民、張楚勇、宋恩榮王于漸[4](前三個通常畀人歸類係民主派,後面兩人就屬於建制派)。

不過,成立之後嘅一兩年時間,好多人因為唔同理由退出。

2016年立法會選舉,作為智庫嘅民主思路決定派人出嚟選,分別由黃梓謙出選香港島,麥嘉晉出選新界東。兩人分別攞到10,028票同8,084票,無緣晉身立法會。而學者葉健民同張楚勇就因為民主思路開始政黨化,所以退出[5]

2017年香港特首選舉,湯家驊參選法律界選委,不過落選。之後湯氏好多次喺公開場合同寫文支持林鄭月娥,而成員李律仁同劉培榮亦喺林鄭嘅競選團隊入面。另一方面,總幹事袁彌昌就喺曾俊華嘅團隊入面。特首選舉最後由林鄭月娥贏咗,湯家驊入咗行政會議,成員馮海容就做咗商務及經濟發展局政治助理,陳祖為不滿湯家驊為港府同北京護航,偏離創會原則而退出[6]。去到當時期,民主思路好多核心人物已經走咗。

喺2018年左右,民主思路開始部署嚟緊嘅區議會選舉,佢哋計劃派6個人落區小試牛刀。最後佢哋得4個人真係參選,唔單只全軍覆沒,全部人重因為得票唔夠5%,連保證金都攞唔返。

2019年嗰時,政府提出逃犯條例修訂草案,湯家驊作為行會一員,負責同政府向大眾推銷條例。結果社會大眾發生好大嘅反彈,繼而衍生香港修例風波。由於湯家驊嘅法律專業,普遍認為湯家驊係有份一手一腳設計逃犯條例修訂嘅人。

2021年,民主思路同新思維結盟,派人出戰第7屆香港立法會選舉。民主思路派出參加地區直選嘅兩名候選人都輸咗。

參考[編輯]

  1. . . 2020-03-27. 原著喺2020-04-18歸檔. 喺2020-04-18搵到.
  2. . . 2020-04-16. 原著喺2020-04-18歸檔. 喺2020-04-18搵到.
  3. 主思路立 阿湯任召集人 - 香港文匯報. paper.wenweipo.com. 喺2020-02-19搵到.
  4. 家驊成立智庫主思路 翟紹唐任榮譽顧問 | 立場報道 | 立場新聞. 場新聞 Stand News (英文). 原著喺2019-08-18歸檔. 喺2020-02-19搵到.
  5. 新聞 | 民主思路政黨化 葉健民:分手時候. (中文). 葉健民:分手時候 原著喺2020-03-27歸檔. 喺2020-02-19搵到.
  6. 新聞 | 不滿湯家驊撐政府 陳祖為退民主思路 骨幹幾乎全退. (中文). 原著喺2020-03-27歸檔. 喺2020-02-19搵到.

睇埋[編輯]

出面網頁[編輯]