氟塑膜

化學式

聚合體化學式

透光對比

氟塑膜，塑膠一種，基於含氟烴，化學名乙烯四氟乙烯共聚物。好抵得腐蝕，而且好鬼強靭，抵得熱又抵得凍，用途好廣泛。熔點夠高，化學性質出色，阻得電，抵得高能輻射。

二十世紀七十年代，由杜邦公司發明，為航空工業整出夠輕薄膜。之後有好多公司會造，唔祇杜邦。二千年打後，好多知名建築都中意用，皆因佢透到光，達到九成以上，兼且隔到音，又隔到熱，又防塵防污、輕過玻璃好多，耐用起碼三十年，而且可以修補。至初有英國伊甸園計劃，二〇〇一年營造。至大有中國北京國家游泳中心，亦即二〇〇八年奧運水立方。香港海洋公園都有用。

之不過隻料好貴。可以回收，但一定要送返廠商。燒嗰時，會放氫氟酸。

名

英文名叫ethylene tetrafluoroethylene，頭字縮寫ETFE。化學名poly (ethene-co-tetrafluoroethene)。

特性

官方網站曾經有比對，比對四種氧化物塑膠。佢同聚四氟乙烯、聚氟化乙烯丙烯、聚過氟烷基乙烯基醚一齊比，機械性質、耐熱性質、化學性質同電氣性質逐項對比。 氟塑膜可謂其餘三者加強版。

薄膜曉自己清潔，皆因佢特性唔黐，連塵都唔黐，兼且可以循環再造。薄膜做屋頂，佢好扯得，而且扯得好行。就算熱脹冷縮等造成尺寸變化，都可以猛猛緊。就算撕開裂咗，用一小塊，用熱焊接就修補到，或者用好幾塊組成大板塊，用熱焊就得。

佢至多承受到四十二兆帕拉址，即每平方吋六千一百磅力。用得溫度範圍，八十九開到四百廿三開，亦即攝氏低至零下一百八十五度，高至一百五十度。

佢做樹脂，抗紫外線能力好強。風化測試試佢耐力，受得起相當於曝光卅年。

渡上等離子體塗層、油清漆或印點點，就可以調節透光。要隔熱隔音，多幾層膜做結構，用低壓氣泵，泵氣成氣墊。導熱率，用每平方米每開幾多瓦計。單層，五瓦六，雙層兩瓦半，三層一瓦九。可見多啲層就傳熱細，保溫效果更好。而日光傳都幾多熱，就用日熱增益系數計，喺〇到一之間，〇就唔傳，一就傳晒。用點點圖案，就可以調節，一般調節喺二分到九分半之間。

應用

氟塑膜屋頂墊下有集成光伏電池。慕尼黑市政廢物管理部門

隻料二十世紀七十年代嗰陣，杜邦開發出來。至初用喺航空，薄膜夠輕夠耐熱。之後，間唔中用喺農耕同營造方便，但唔多。二〇〇一年伊甸園計劃，開創大型建造。揀佢皆可以調節日照，印點同多層數就得。而且摩擦系數低，塵污都唔黐，慳返保護。

用途有做氣動板，冚晒成個安聯球場看臺。另外有北京國家游泳中心，即二〇〇八年奧運水立方，全球至呢種多層薄膜屋宇。伊甸園計劃塊塊板都由呢隻料做，而德國水上樂園熱帶羣島，兩萬平方米窗，都由呢隻半透明料造。

包電線同光纖，佢另一項重要用途，尤其情況要高壓力、低煙毒性同高可靠，例如飛機、太空船同賽車入便啲電線就係。啲幼電線，用來包綫技術電綫，都渡咗呢隻料。

做雙層層壓，佢黐實玻璃纖維強化塑膠，做熱塑內襯，用喺喉管、儲缸同容器，額外防蝕。

核工業索帶或包電纜都告佢。航空同工業都靠佢渡電線。皆因佢韌度好好，亦能抗高能量抗輻射，長時間承受中等高溫。 商業造唔單止杜邦，重有艾杰旭、大金等。住友電機開發咗鋁氟塑膜 複合材料 。另外，現今建築都好中意用佢做天窗同幕牆。唔止歐洲，中東好多商場、體育同文化大型場地都有用。

佢耐高熱， 用來做模具脫模薄膜。航空方面，經碳纖維預浸固化，為模於一浸模，或者同喺熱高壓板。

出名建設一覧

• 
  伊甸園計劃
• 
  安聯球場
• 
  英國李斯特國家太空中心
• 
  北京國家游泳運動中心
• 
  河畔文化
• 
  捷克布拉格信息學、機械人同控制論研究所
• 
  羽田機場