水兵

法國水兵

水兵，作戰兵卒，喺水上作戰，軍中地位至低。佢喺軍官之下，亦可謂軍中水手。世界各地海軍或水師軍階來睇，可以睇成初級入伍級別。喺唔同地方，有唔同叫法。有時會單一級，亦可能分好幾級。好多時亦要做唔少非作戰工作。有啲亦有專職，例如操炮射箭之類，或者另有叫法。有啲就專責操船。

水兵除咗作戰，未有機動船，船一係靠風力，一係靠人力。風力，要人操舤。人力，要人棹艇。轉向就要人操舵。

由於語文唔同，叫法亦有好幾系。英人直譯就叫海員，但呢個唔限於軍事。

名

華夏系

作戰人稱，早期會用卒同士，後期會叫兵。

春秋時經已有人水上作戰，越國叫習流。漢時有濯卒、棹卒、樓船士、樓船卒等等。

• 習流見於史記，佢咁講，「越伐吳、使習流二千。」習流即熟水流。

• 東觀漢記講岑彭。「彭與吳漢發桂陽、零陵、長沙委輸濯卒，凡六萬餘人，騎五千匹，皆會荊門。」呢度有濯卒。
• 後漢書馮岑賈列傳有講同一件事，「十一年春，彭與吳漢及誅虜將軍劉隆、輔威將軍臧宮、驍騎將軍劉歆，發南陽、武陵、南郡兵，又發桂陽、零陵、長沙委輸棹卒，凡六萬餘人，騎五千匹，皆會荊門。」呢度叫棹卒。後面又有講，「大司馬習用步騎，不曉水戰，荊門之事，一由征南公為重而已。」可以見棹卒明確講水戰。

春秋時有大隻戰船，叫樓船，船上起樓而名。秦漢時提及。上面作戰叫、樓船之士、樓船士、楫濯士、樓船之卒、樓船卒、棹卒。史記有好多記載。

• 勾踐二十五年，「越王葬種於國之西山，樓船之卒三千餘人，造鼎足之羨，或入三峰之下。」呢度叫樓船之卒。
• 外傳記地傳，「初徙瑯琊，使樓船卒二千八百人伐松柏以為桴，故曰木客。」另有「樓船卒二千人，鈞足羡，葬之三蓬下。」

• 平津侯主父列傳，「又使尉佗屠睢將樓船之士南攻百越，使監祿鑿渠運糧，深入越，越人遁逃。」呢度用樓船之士。

• 食貨志，「明年，南粵反，西羌侵邊。天子為山東不澹，赦天下囚，因南方樓船士二十餘萬人擊粵，發三河以西騎擊羌，又數萬人度河築令居。」呢度叫樓船士。
• 平準書，「於是天子為山東不贍，赦天下囚，因南方樓船卒二十餘萬人擊南越，數萬人發三河以西騎擊西羌，又數萬人度河筑令居。」呢度叫樓船卒。

作戰時有船工，水道運糧有漕卒。

三國時有舟兵，三國志有寫。

• 吳主傳，「十三年春，權復征黃祖，祖先遣舟兵拒軍，都尉呂蒙破其前鋒，而淩統、董襲等盡銳攻之，遂屠其城。」又有「會漢水暴起，羽以舟兵盡虜禁等步騎三萬送江陵，惟城未拔。」
• 孫亮傳，「冬十月丁未，遣孫憲及丁奉、施寬等以舟兵逆據於江都，遣將軍劉丞督步騎攻胤。」

其他叫法有舟卒、舟兵、水軍卒、水卒。

大明，水兵個名就確定落來。

大清，水兵。

中華民國，由二等兵到一等兵，如同兵卒。

中華人民共和國，由海軍列兵到海軍上等兵。

南韓，由이등병，本字二等兵，到일등병，本字一等兵，如同兵卒。

北韓，入伍叫전사，本字戰士。再上，하급병사 ，本字下級兵士。如同兵卒。

日本，入伍叫自衞官候補生。再上叫二等海士。

越南，由Binh nhì，本字兵二，到Binh nhất，兵一。如同兵卒。

英國系

大概一七五七年，英國皇家海軍分成三等，糧餉有別。

• 陸員，landsman，落船未夠一年。後尾叫學徒海員，apprentice seaman。
• 跟住海員，seaman，落船未夠兩年。後尾叫普通海員，ordinary seaman。
• 跟住過兩年就熟手海員，able seaman。

按軍事叫水兵，可以叫學徒水兵、普通水兵同熟手水兵。

順帶一提，糧餉英文叫rate同rating，指出糧等級，隻字香港反映喺差餉上。後尾亦用喺分等分級之上，好時叫等級同評級。

英國現代系

由於英國現代訓練完先正式，呢種分法就無咗。士官以下一律叫熟手等，able rating。

聖基茨尼維斯跟。

紐西蘭分普通等，ordinary rate同熟手等，able rate。

英國舊系

至於其他英聯邦各國，以及美國，就由呢個系統轉變。

美國三級分別叫

• 入伍水兵，seaman recruit
• 學徒水兵，seaman apprentice
• 水兵，seaman

菲律賓做過美國殖民地，跟美國。

澳洲入伍recruit。跟住水兵seaman同熟手水兵able seaman。

加拿大水兵用sailor，以前叫seaman。

愛爾蘭三分別叫

• 入伍。recruit。或earcach
• 普通水兵。ordinary seaman。或mairnéalach
• 熟手水兵。able seaman。或mairnéalach Inniúil     

南非水兵seaman同熟手水兵able seaman。

巴基斯坦，普通水兵叫عام سی مین，等同英文ordinary seaman。再上叫熟手水兵قابل ملاح，等同英文able seaman。

印度，由二等水兵，सीमैन सेकंड क्लास，音同英文Seaman Second Class。再上叫一等水兵，सीमैन फर्स्ट क्लास，音同英文seaman first class。

斯里蘭卡叫水兵seaman recruit。

尼日利亞，普通水兵ordinary seaman。再上，水兵seaman。

加納，普通水兵ordinary seaman。再上，熟手水兵able seaman。千里達多巴哥、牙買加、開曼羣島同。

利比利亞，入伍水兵，seaman recruit。

圭亞那叫熟手水兵able seaman。聖文森特格林納丁斯、安提瓜巴布達同。

馬爾他叫水兵seaman，但軍階炮手，gunner。

孟加拉叫普通水兵，অর্ডিনারী সিম্যান，拉丁字寫Ôrḍinārī simaen，音同英文ordinary seaman。

巴布亞新畿內亞叫水兵seaman。再上叫熟手水兵，able seaman。巴巴多斯、塞拉利昂同。

斐濟叫普通水兵，ordinary seaman。

納米比亞叫水兵seaman。

伯利茲叫學徒水兵，seaman apprentice。

其他

肯雅用陸軍系，水兵叫private，如同兵卒。甘比亞、星架坡、湯加、馬爾代夫、塞舌爾、莫三鼻給同。

毛厘士屬差人，英文constable。格林納達同。

百慕達水兵叫海軍步兵，marine。再上，熟手海軍步兵，able marine。

拉丁系

葡萄牙叫水兵做grumete，原指船上男仔。祕魯、聖多美及普林西比、畿內亞比紹、安哥拉、東帝汶跟。

西班牙叫水兵做marinero，來自水手。亞根廷、委內瑞拉、智利、墨西哥、哥倫比亞、哥斯達黎加、薩爾瓦多、危地馬拉、玻利維亞、古巴、赤道畿內亞跟。巴西用近似marinheiro串法。多明尼加串marineros。

巴拉圭叫水兵做dragoneante，相對於英文dragoon，入伍等。

烏拉圭入伍水兵叫學徒，aprendiz。之後同西班叫法一樣。

厄瓜多爾，grumete同marinero都有用。

維德角叫下士，cabo。

洪都拉斯叫甲板水兵，marino de cubierta，甲板水手咁張。

尼加拉瓜叫水兵marino。

羅馬尼亞叫水兵soldat，如同兵卒。瑞士、科摩羅同。

巴拿馬叫水兵agente，意思差人。

瑞士叫水兵Soldato、Schuldà，如同兵卒。

荷蘭系

荷蘭叫水兵做matroos。加勒比尼德蘭、比利時同。

俄國、保加利亞、烏克蘭、哈薩克叫水兵mатрос，拉丁寫法matros，跟荷蘭。有跟荷蘭寫法唔同，亞塞拜然、土庫曼、烏茲別克matros。拉脫維亞matrozis。愛沙尼亞madrus。芬蘭matruusi。德國matros。比利時matrose。

法國叫水兵做matelot。出自荷蘭mattenoot，意思牀伴，以前水手兩人一張吊牀。比利時、加拿大、畿內亞、喀麥隆、民主剛果、象牙海岸、加蓬、馬達加斯加、摩洛哥、多哥、塞內加爾、貝寧、吉布提跟。

北歐系

丹麥叫水兵做marinekonstabel，相對英文constable。隻字本指管馬房亞頭。

瑞典叫水兵menig，本指人，後指水手。挪威一樣。

冰島叫水兵háseti，本指槳手。

希臘系

希臘叫水兵做Ναύτης，拼拉丁字Naftis，船員咁意思。塞浦路斯跟。

亞刺伯系

伊拉克叫水兵جندى，拉丁寫法Jundi，如同兵卒。埃及、卡塔爾、亞剌伯聯合猶長國同。

黎巴嫩叫水兵جندي，拉丁寫法Jundiun，如同兵卒。敍利亞、約旦、突尼西亞、沙地亞剌伯、科威特、利比亞、蘇丹、亞爾及利亞、巴林、巴勒斯坦國同。

毛里塔尼亞叫水兵بحار，拉丁寫法Biḥaar，意思水手。

兵卒意

泰國叫水兵做พลทหาร，拉丁寫法Phon thahan，如同兵卒。

塞爾維亞叫水兵。војни，拉丁寫法vojnik，如同兵卒。再разводник，拉丁寫法razvodnik，如同領隊 。

土耳其叫水兵er，如同兵卒。

亞爾巴尼亞叫水兵Ushtar，來自波斯話，如同兵卒。

馬來西亞叫水兵perajurit muda，意思新兵。之後有laskar kelas，如同兵卒。

匈牙利叫水兵Közkatona，普通兵咁解。 緬甸叫水兵တပ်သား，如同兵卒。

以色列叫水兵טוראי，如同兵卒。 意大利叫水兵Comune，普通。

柬埔寨叫水兵នាវិក，拉丁寫法nāvĭk，意思水手。 厄立特里亞叫水兵，መሰላሊ ጦር，拉丁寫法meselali tor，如同兵卒。

索馬里叫水兵Dable，如同兵卒。

汶萊叫水兵Prebet或者Soldadu，如同兵卒。

坦桑尼亞叫水兵Mtu ndege，鳥人咁解。

寮國叫等二ຊັ້ນສອງ，拉丁寫法Sansong。跟住叫等一ຊັ້ນຫນຶ່ງ，拉丁Sannung。如同兵卒。

克羅地亞叫水兵Vojak，如同兵卒。

黑山叫二等兵，Razvodnik，意思分派。

水手意

波蘭叫水兵，marynarz，意思水手。

伊朗叫水兵ناوی，意思船。

立陶宛叫水兵jūreivis，水手咁解。

印尼叫水兵kelasi，水手。

埃塞俄比亞叫水兵ሲማን，同英文Seaman，意思水手。

克羅地亞叫水兵，Mornar，意思水手。