永安倉大火

大火場面

永安倉大火，係香港史上一次傷亡慘重嘅大火。事發一九四八年，九月廿二號燒到廿八號先熄。石塘嘴永安倉係永安公司嘅物業，近海皮嘅一排貨倉，喺屈地街電車總站側邊。死傷咁慘重，其中一個因素係佢唔只做倉，兼做埋公司宿舍，夥計連家人都住喺處。當時香港總督葛量洪到場視察。呢宗大火，死咗176人，僅次於起碼死咗613人嘅一九一八年快活谷馬場大火。事後香港政府，搞咗個永安倉火災調查委員會，查過大火，諗埋日後點樣預防。

參考資料

• 《大公報》，一九四八年九月二十四號、九月二十五號、九月二十六號、九月二十七號、九月二十八號、十月六號，一九四九年六月二十九號。
• 《工商日報》，一九四八年九月二十四號、九月二十五號、九月二十六號、九月二十七號、九月二十八號、九月二十九號、十月一號、十月六號以及一九四九年六月二十九號。
• 《China Mail》，24 September 1948，6 October 1948.

睇埋

• 火燒馬棚