江美儀

出自維基百科,自由嘅百科全書
Jump to navigation Jump to search
江美儀
女演員
原名 江美儀
英文名 Elena Kong
職業 演員、電台節目主持
語言 粵語國語英語
代表作品女人最痛
經紀公司 TVB

江美儀Elena Kong1971年9月20號—)係無綫電視部頭合約女藝員,亦喺香港電台第二台節目《瘋show快活人》任嘉賓主持。早年曾經係亞洲電視藝人,亦曾經同紅夢文化簽約,亦有參與電影電台節目。佢男朋友係藝人吳君如個細佬吳君祥

江美儀出道時主要拍電視廣告,亦曾經擔演劉德華嘅音樂歌曲演出,簽約亞洲電視後則主要拍攝電視劇及擔任節目主持,不時亦會客串電影演出,例如喺《忘不了》中飾演張柏芝嘅家姐。另外,江美儀一直都參與港台電視部制作嘅電視節目,早前曾經出演《女人多自在》,2009年就喺《非常平等任務》演出。

2009年江美儀簽約無綫電視接拍佢嘅首套電視劇《五味人生》,2010年先後播出佢參演嘅多套電視劇,當中以《女人最痛》嘅洪珊瑚(Angela Auntie)演譯入型入格嘅角色,表現出色,備受觀眾好評,人氣急升,憑該劇榮獲提名《2010年萬千星輝頒獎典禮》“最佳女配角”並進入最後五強。

其他喺無綫電視電視劇劇集嘅角色,其餘演技亦都受人肯定,於《萬千星輝頒獎典禮2011》憑《潛行狙擊》獲提名“最佳女配角”,《九江十二坊》提名“最佳女主角”。雖然喺萬千星輝頒獎典禮2011中入唔到最佳女配角5強,但係從頒獎典禮坐第一排(競逐、提名女主角嘅都係坐第一排)睇出,江美儀已經屬於女主角。唔使得到女配角獎直接晉級為女主角亦係一件好事,亦再一次證明江美儀實力非凡。

出面網頁[編輯]