汪辜會談

出自維基百科,自由嘅百科全書

汪辜會談,又叫第一次汪辜會談,係喺1993年4月27號4月29號期間,由台灣方面嘅海峽交流基金會(即「海基會」)董事長辜振甫,同中國大陸方面嘅海峽兩岸關係協會(即「海協會」)會長汪道涵新加坡舉行嘅會談。汪辜會談亦係海峽兩岸1949年國民政府搬去台灣以嚟,首次進行嘅正式官方級會晤。

汪辜會談起緣於1992年,當時海協會致函請辜振甫訪問中國大陸,海基會回覆話有意願。雙方經過多次預備性磋商後,將會談定位為民間性、事務性、經濟性同埋功能性。之後喺當時新加坡國務資政李光耀斡旋下,同當時訪問緊新加坡嘅中國國家主席楊尚昆達成協議,定喺新加坡舉行。

經過連續三日密集協商,雙方喺4月29號上晝簽署兩岸公證書查證協議兩岸掛號函件查詢補償事宜協議兩會聯繫與會談制度協議,以及辜汪會談共同協議等四項事務性協議,而兩岸由當局授權嘅談判機制,象徵台海兩岸關係嘅解凍同埋發展。當時,民主進步黨立法委員施明德等人率領十幾名民進黨公職人員抗議,表達民進黨反對國共片面和談嘅立場。

由於中國大陸不滿中華民國總統李登輝上台後所推行嘅「務實外交」政策、佢喺1995年6月訪問美國、同埋佢後來發表嘅「特殊兩國論」,認為呢啲做法都違反「九二共識」精神,令大陸方面中斷為第二次汪辜會談所作嘅準備;協商機制亦因為1995年至1996年間台灣舉辦第一次總統直選,以及中國大陸針對台灣嘅導彈演習而中斷。兩岸關係因缺乏直接聯繫管道而唔穩定。及至1998年10月間,辜振甫率團訪問中國大陸,至再次達成加強對話、恢復協商嘅共識。

汪辜會談嘅主角–辜振甫同埋汪道涵喺2005年先後去世。

睇埋[編輯]