汲水門大橋
| 汲水門大橋 | |
| |
| 幹線 | 8號幹線 |
| 鐵路 | 機場鐵路（東涌綫、機場快綫） |
| 總長 | 0.82公里 |
| 主跨 | 430 米 |
| 塔高 | 150 米 |
| 離海面 | 47 米 |
| 區 | 香港新界西 |
| 起 | 荃灣區馬灣 |
| 終 | 荃灣區大嶼山青洲仔半島 |
| 行車線 | 8條，兩條路軌 |
| 通車 | 1997年5月22號 |
| 收費 | 免費 |
汲水門大橋（英文Kap Shui Mun Bridge），又叫汲水門橋，係香港8號幹線青嶼幹線嘅一部份，長430米，連引道全長820米，橫跨汲水門，連埋馬灣同大嶼山青洲仔半島。車速限每小時80公里。佢駁住青馬大橋，係市區唯一去大嶼山、赤鱲角香港國際機場嘅車路。
條橋曾經係世界最長嘅行車鐵路兩用斜拉橋。直至2000年，先至俾駁住丹麥同瑞典、長490米嘅厄勒海峽大橋過咗。
汲水門大橋個橋面，離海面47米，橋塔高150米。佢用咗4800公噸鋼，73000立方米石屎[1]。1992年12月21號動工，雙層設計，上層係快速公路，雙程分隔，各有三線，下層有蓋，係港鐵鐵路，畀兩條綫行，機場快綫同東涌綫，另外下層重有兩條緊急用（例如打風）嘅單線行車路。條橋使咗港幣16.43億。
資料
[編輯]- 主跨：430米
- 總長：820米
- 橋塔高度：150米
- 淨高橋底通航：47米
- 設計及建造期：54個月
錨錠
[編輯]- 拉索嘅鋼束數目由51條至102條不等
- 鋼束直徑15.7毫米，係由7條鍍鋅鋼絲結合而成
橋身
[編輯]- 旁跨以及橋塔附近嘅主跨，就地用模同埋臨時支承起。
- 其他主跨部份，由44嚿預製件組成。
- 每嚿組件重500公噸、長8.7米，係鋼筋混凝土結構。
- 鋼嘅部份响深圳蛇口整。
- 混凝土部份係响工地整。
- 完成咗嘅組件再躉船運到位，用起重機吊起，再駁埋。
事件
[編輯]2015年10月23號晚，汲水門大橋橋身俾一隻躉船撞到，要緊急封閉檢查，來往大嶼山、赤鱲角同市區嘅陸路交通癱咗。兩個鐘之後開返。
參考
[編輯]- ↑ 香港機場核心計劃工程簡訊，1997年4月出版
