河背水塘

出自維基百科,自由嘅百科全書
Jump to navigation Jump to search
河背水塘
河背水塘S型水壩
剛落成的河背水塘

河背水塘坐落喺香港元朗區八鄉、海拔250米高嘅群山環抱之中,錦田河上游,屬於大欖郊野公園嘅一部分,自然環境十分優美。水塘容量50萬立方米,S型水壩長157.0米,高17.4米,屬於灌溉水塘,即係非主要食水用塘,主要用作灌溉新界西北嘅農田,係水務署管轄範圍裏面面積最細嘅水塘。

1960年代,港府為咗增加大欖涌水塘供水量而把錦田河截流,引水去大欖涌水塘,使到錦田河中游以下水量大減,影響農民灌溉,所以當局另外起四個灌溉水塘,為八鄉農民提供灌溉嘅用水,河背水塘就係其一。水塘喺1961年起好使用。

水塘中央有小島,四周蒼翠樹木襯托,環境清幽;附近嘅昆蟲﹑鳥類同植物品種豐富。水塘曾經喺1998年入選漁農及自然護理署郊野公園十大自然風景。水塘嘅S字形十九孔溢洪大壩亦係其中一大特色。

河背水塘家樂徑環繞水塘而起,全長只有2公里,走畢全程大約40分鐘。附近亦有河背水塘越野單車徑,以高難度見稱,經常有意外發生。

港鐵西鐵綫大欖隧道貫穿河背水塘底下而過。

交通[編輯]

元朗泰衡街乘坐專線小巴71往河背村,沿往河背水塘方向指示牌步行約20分鐘即達。

出面網頁[編輯]