跳去內容

法語安省大學

出自維基百科,自由嘅百科全書
喺內巷嘅大學正門;正式門牌用法文寫 「9, rue Lower Jarvis
法語安省大學所處於嘅住宅大厦,大學喺2字樓

法語安省大學[註 1]法文Université de l’Ontario français,簡稱 UOF[1]普通話安省法文大學)係加拿大安大略多倫多嘅一間唔分學系[2]、純法語教學嘅公立大學2017年12月安省省議會立法成立[1][3]

2018年,時任省長杜格福特一度取消咗畀法語安省大學嘅撥款[4],直至間大學喺2020年再次同省政府同聯邦政府簽署撥款協議[5],所以到咗2021年佢先有第一批學生[6]

原則上,佢哋嘅收生對象係講法文嘅安省省民,不過因為政府批佢嘅課程批得太遲,佢第一批嘅學生其實只有兩成半來自安省,七成甚至係國際學生[7][8]

截至2024年,佢淨係提供6個本科課程[9]

  • 教育(éducation;2023年1月新增[10]
  • 工商管理(administration des affaires;2024年9月新增[11]
  • 數碼文化(études des cultures numériques
  • 經濟及社會創新(études de l’économie et l’innovation sociale
  • 城市環境(études des environnements urbains
  • 人類嘅多樣性(études de la pluralité humaine

2025年開始會再新增心理健康[12]

校園[編輯]

法語安省大學嘅校園位於多倫多湖濱區 Lower Jarvis湖濱大道東Lake Shore Boulevard East)東南角,距離安大略湖湖邊大約半條街。校園所在嘅 Lower Jarvis 街9號2字樓[13]其實係一棟住宅大廈[14]樓下一個租返嚟嘅5萬呎寫字樓單位[15][14]

入面嘅圖書館對外開放[16],但係圖書館資料喺初頭全部都喺網上[17],2023年開始先有少量實體資料[16]

交通[編輯]

直接去到法語安省大學嘅公共交通工具有多倫多公車局75號巴士(Sherbourne[18]、114號巴士(Queens Quay East)同202號巴士(Cherry Beach[19],亦有單車站喺對面街。

另外,佢其實亦好近皇后碼頭站,由皇后碼頭站行去法語安省大學嘅大約10分鐘。

[編輯]

呢間大學淨得法文名,原因係立法個陣,條法案淨係寫咗佢有法文名,冇寫英文名[3]

佢個名入面嘅 「法語安省[暫譯]Ontario français英文French Ontario)其實係一個加拿大法語文化嘅概念,呢個概念喺1970年代開始出現,指安省入面講法文嘅社羣,但係因為呢個社羣同魁省唔同,所以係一個唔同嘅族羣[20]

出版[編輯]

呢間大學目前負責出版一本叫 Enjeux et société(社會同各種挑戰)嘅學術期刊,係本半年刊,不過佢其實並唔係一本新期刊,前身係魁北克大學三河市分校負責出版嘅 Approches inductives(歸納法)[21]

睇埋[編輯]

出面網頁[編輯]

參考資料[編輯]

  1. 1.0 1.1 Doucet, Théodore (2021年9月5號). "L'histoire mouvementée de la création de l'Université de l'Ontario français" (加拿大法文). Radio Canada. 喺2024年6月25號搵到.
  2. Nadeau, Jean-Benoît (2020年1月27號). "Ouf pour l'UOF". Le Devoir (加拿大法文). 喺2024年6月26號搵到.
  3. 3.0 3.1 "Université de l'Ontario français Act, 2017, S.O. 2017, c. 34, Sched. 43" (加拿大英文). Government of Ontario. December 4, 2023 [December 14, 2017]. 喺2024年6月25號搵到.
  4. Simard, Mathieu (2018年11月15號). "Doug Ford élimine le projet de l'Université de l'Ontario français et le Commissariat aux services en français" (加拿大法文). Radio Canada. 喺2024年6月25號搵到.
  5. "L'entente de financement de l'Université de l'Ontario français signée" (加拿大法文). Radio Canada. 2020年1月22號. 喺2024年6月25號搵到.
  6. "Rétroviseur" (加拿大法文). Université de l’Ontario français. 喺2024年6月25號搵到.
  7. MacDonald-Dupuis, Natasha (2021年7月30號). "Université de l'Ontario français : 75 % des étudiants ne sont pas ontariens" (加拿大法文). Radio-Canada. 喺2024年6月25號搵到.
  8. Lechat, Clément (2021年9月30號). "Rentrée à l'Université de l'Ontario français: des défis pour Pierre Ouellette". L’Express de Toronto (加拿大法文). 喺2024年6月26號搵到.
  9. "Guide de l'UOF 2023–2024" (加拿大法文). Université de l’Ontario français. 喺2024年6月29號搵到.
  10. "L'UOF pourrait offrir le Baccalauréat en éducation dès janvier". L’Express de Toronto (加拿大法文). 2022年9月6號. 喺2024年6月29號搵到.
  11. "Un baccalauréat en administration des affaires à l'UOF et La Cité dès 2024". L’Express de Toronto (加拿大法文). 2023年9月14號. 喺2024年6月29號搵到.
  12. "Nouveau bac en santé mentale à l'UOF". L’Express de Toronto (加拿大法文). 2024年6月4號. 喺2024年6月29號搵到.
  13. Bergeron, François (2020年2月26號). "L'Université de l'Ontario français sera au 9 Lower Jarvis". L’Express de Toronto (加拿大法文). 喺2024年6月28號搵到.
  14. 14.0 14.1 Landau, Jack (September 12, 2017). "Business Signings Announced at Daniels Waterfront". Urban Toronto (加拿大英文). 喺2024年6月28號搵到.
  15. "Le campus de l'Université de l'Ontario français sera sur les berges du lac Ontario" (加拿大法文). Radio-Canada. 2020年2月25號. 喺2024年6月28號搵到.
  16. 16.0 16.1 Boucherie, Nina (2023年10月19號). "Une bibliothèque virtuelle et physique à l'UOF". L’Express de Toronto (加拿大法文). 喺2024年6月26號搵到.
  17. Bergeron, François (2021年11月12號). "Inauguration officielle de l'Université de l'Ontario français". L’Express de Toronto (加拿大法文). 喺2024年6月26號搵到.
  18. "Lower Jarvis St at Queens Quay East North Side" (加拿大英文). Toronto Transit Commission. 喺2024年7月14號搵到.
  19. "Bay St at Harbour St South Side - Jack Layton Ferry Terminal" (加拿大英文). Toronto Transit Commission. 喺2024年7月14號搵到.
  20. Lévesque, Stéphane; Croteau, Jean-Philippe; Gani, Raphaël (2015). "Conscience historique des jeunes francophones d'Ottawa : sentiment d'appartenance franco-ontarienne et récit du passé". Revue de Nouvel-Ontario (40). doi:10.7202/1032587ar.
  21. "Enjeux et société: Approches transdisciplinaires" (法文). Érudit. 喺2024年6月26號搵到.

[編輯]

  1. 呢個係直譯。法文有文法性別,咁啱佢個名嘅兩個名詞一陰一陽,但係形容詞係陽,所以直譯只能夠係 「法語安省」 大學,冇可能係安省 「法文大學」。