泡泡板

泡泡板

賣泡泡板

泡泡板，玩具來嘅，通常成塊板咁，矽膠做成。泡字讀入聲似噗。個款好似泡泡紙咁，成塊矽膠板好多泡泡，起勢畀人撳，撳落去有噗一聲。撳咗落去，又可以反轉來撳。可以話長玩長有泡泡紙。通常七彩咁款，乜形狀都有，有大有細。

承住指尖紓壓玩具個勢，二〇二一年春季開始大流行，喺疫情期間，網絡紅人宣傳做減壓道具。但本身諗住做對戰遊戲。

英文有幾個名，叫Pop-It、Go Pop、Last One Lost。唐字無統一叫法，第啲名有紓壓泡泡墊、按按樂、指尖泡泡諸如此類，亦有叫滅鼠先鋒。

個發明查實一九七五年就有，一對移居以色列夫婦發明。丈夫叫提奧，老婆叫柯拉。兩人開咗間提奧拉遊戲公司，專諗遊戲，有一啲流行作。佢哋個仔憶述，話一九七四年，亞太太夢見太太親妹，佢患乳癌而死。之後就同老公講夢，話諗下全場𢆡，女人啲𢆡，咁就可以撳𢆡頭。佢再叫老公整張地毡，可以兩邊撳來撳去。個概念就咁來。

不過個概念賣唔出，因為當初想用橡膠，成本太貴。二〇〇九年，滿地可有間狐思遊戲收購咗佢，改下改下，就變咗矽膠。二〇一四年，以邏輯遊戲來賣，話佢玩得快，玩得有樂趣，用做教育。二〇一九年，狐思同水牛遊戲合作，賣到去目標百貨。二〇二〇年網上流傳馬騮玩，因而突然大賣，好多唔同款，好賣到中國矽膠價大漲。