泡泡紙

泡泡紙

方形泡泡紙，屋宇保溫用。

泡泡紙本身一紙透明塑膠，上面佈滿泡泡，塑膠泡入面充氣，齊齊整整，一行一行，成為軟墊。用佢來包住啲嘢，無咁易花，無咁易爛。包裝送貨都有機會用到。

材料用聚乙烯，尤其低密度聚乙烯。泡泡有空氣，可以吸收一啲衝擊，有如氣墊。泡泡一般直徑一公分，細可以六毫米，大可以到兩公分六。包一層兩層三幾層，愈多層就愈多保護。用時泡泡向外，以免物品有泡泡印。

電子零件，尤其晶片，對靜電好敏感。一般泡泡紙有靜電，可能整壞佢哋。咁包佢哋啲泡泡紙，都會特製，用靜電放電材料，電荷可以流出外面，以免積聚。

一九五七年發明，本身想做立體牆紙，不過唔掂當。一九六〇年成立密氣公司，為萬國商業機器送大部電腦而廣用。

另一用法用來保溫，因為空氣本身就絕緣體，可以隔熱，甚至用到屋宇上面。

由於撳爆泡泡啪啪聲，一粒一粒咁啪，好多細蚊中意玩，連大人都當佢舒心道具，當做文化。而玩具泡泡板有類似效果，長玩長有，可以睇成代替品。

泡泡紙，有標準版，有色標記版，用靜電放電材料。有泡細泡

玩泡泡紙