浮臺

龜背灣上單個浮臺

淺水灣四浮臺

浮臺，海灘對出平臺，浮喺海面，錨喺海底，畀泳客游水中途休息，兩邊有梯上落。有錨唔會飄走。浮臺亦減筆成浮台。

名

英文叫beach raft，或者就咁叫raft。

香港

香港法定泳灘，唔係個都有浮臺。有浮臺有十八個泳灘，一共有卅五個法定浮臺。

• 淺水灣泳灘有五個
• 深水灣泳灘、赤柱正灘泳灘、長洲東灣泳灘、清水灣第二灣泳灘各有三個
• 三星灣泳灘、廈門灣泳灘、清水灣第一灣泳灘、銀線灣泳灘、麗都灣泳灘，各有兩個
• 中灣泳灘、南灣泳灘、舂坎角泳灘、聖士提反灣泳灘、龜背灣泳灘、蘆鬚城泳灘、觀音灣泳灘、橋咀泳灘、麗都灣泳灘各一個

呢啲浮臺，設喺浮波界或防鯊網之內，亦即泳區之內。香港浮臺禁止跳水，不過有啲人唔理。有啲會睇浮臺做游水目標，之不過個目標可能過遠，有啲人會體力不支。