海防道臨時街市

海防道臨時街市外貌

海防道臨時街市（英文：Haiphong Road Temporary Market）喺香港九龍尖沙咀海防道390號，係香港現有四個臨時街市之一。舊街市於1978年啟用，為安置北京道同埋廣東道交界擺檔的小販同埋尖沙咀街市的小販而設。臨時街市熟食檔範圍到2018年11月30日起暫時關閉並清拆重建，翻新工程長達14個月，2020年10月重開，重建後依然定位係「臨時街市」，係香港少數「臨時」近半個世紀嘅設施。

翻新

臨時街市多年來被指有多個問題，包括衛生欠佳，冇冷氣，夏天非常焗促，而且日久失修，環境殘舊，每逢落雨多處會滴水問題。。

政府曾經計劃喺鄰近地點或者喺原址興建永久性嘅綜合大樓，但因為喺區內覓地同埋安置商戶等均難以實行而無法落實。2018年7月，食物環境衞生署公布翻新街市，包括更換天花、重新規劃攤檔同埋小販市場內設施同埋改善電力、消防、照明同埋通風系統等設施。有檔主對此感到依依不捨；但認為重建後可改善環境。