 | 呢篇文或者呢節係關於香港未來嘅建設或者計劃。 呢篇文或者呢節可能包含估估下嘅資料，同完工時可能有出入。 |  |
添馬站（以前叫做天馬站，英文：Tamar Station）係港鐵一個建議緊嘅地鐵站，喺香港港島中西區嘅金鐘添馬，金鐘站北邊，係東涌綫同將軍澳綫嘅轉車站，最快2026年起。個站嘅北面而家係中環灣仔填海區嘅一部份；車站嘅南面係政府總部同立法會綜合大樓，都係未來呢個站主要嘅客源，到時呢個站就會變做港鐵將軍澳綫第一個喺中西區嘅車站。如果跟住計劃，個站應該同新政府總部一齊起。但係自從2001年美國發生911事件之後，政府擔心將政府總部大樓起喺地鐵站上面會令恐怖份子有機可乘，影響咗個站同北港島綫嘅興建。