清冠一號

出自維基百科,自由嘅百科全書

清冠一號(NRICM101)係一項專利發明,係由台灣衛生福利部國家中醫藥研究所,一個醫藥專業研究團隊合作研究,經過臨床實驗之後嘅成果。呢帖藥係用嚟調理新冠肺炎確診後,修復改善健康嘅中草藥,呢帖藥唔係用嚟預防新冠肺炎嘅。研究團隊嘅蘇奕彰醫生話,研究團隊有參考過幾百年前明朝嗰陣時嘅「荊防敗毒散」個藥方。但係有醫生對呢帖藥有唔同睇法(清冠一號,維基中文頁面,參考文獻,註74,75,76,77)。

藥品生產響2020年,最先授權畀順天堂藥廠Sun Ten Pharmaceutical Co., Ltd.,順天堂用Respire Aid商標製造成藥。Respire Aid係藥粉,可以直接躉入嘴度,再飲凍滾水,亦可以用凍滾水沖開之後再飲落肚。唔駛自己煲藥,慳番好多時間。服用呢隻藥,要戒口,唔好食辣嘢,唔好食油膩嘢。其他藥商都陸陸續續得到台灣衛生福利部授權,用自己嘅商標製造成藥。響台灣呢隻藥係要經過醫生診斷先至准用,唔係隨便買得到嘅。台灣市面有形形色色配方類似清冠一號藥材嘅防疫茶,但係藥材劑量比例結構,完全唔同清冠一號(NRICM101),清冠一號(NRICM101)藥材劑量比例結構話係商業秘密。       

星加坡、澳洲、泰國、歐盟、菲律賓、柬埔寨、英國、美國、加拿大、南非,有入口並販售NRICM101清冠一號,算一般成藥賣畀民眾服用。

醫藥專業研究團隊目前研發緊清冠二號。

出面網頁[編輯]