清補涼

出自維基百科,自由嘅百科全書

清補涼(「涼」字讀loeng2,同「斤兩」個「兩」同音),係夏天清熱補濕嘅老火湯,常見喺中國廣東海南香港澳門廣西等地區,同越南等地。

清補涼嘅材料並唔統一,有以健去濕為主,亦有以潤為主。材料通常有綠豆淮山蓮子芡實薏米百合紅棗南北杏瘦肉。亦有放入沙參玉竹陳皮龍眼西瓜。清補涼亦可以做糖水,有佢獨特嘅風味。

起源[編輯]

相傳秦始皇平定百越期間,因軍隊唔適應氣候而得病,隨行軍醫就用蓮子百合沙參芡實玉竹淮山薏米煲湯畀軍隊飲。由於呢個複方有清熱氣、補元氣嘅功效,所以被稱為清補涼。

其他食法[編輯]

除咗煲湯之外,海南廣西亦有清補涼製成糖水嘅食法,其中海南會加入椰子肉同椰汁,凍熱都得;廣西就會加入西瓜塊、菠蘿塊同綠豆,成為一道凍食嘅甜品。