港運城

港運城（英語：Island Place）係香港島東區北角一個嘅私人屋苑，由太古地產同中華巴士（中巴）共同發展、金門建築負責承建^[1]，呢個物業前身係中巴北角車廠及總辦事處。

港運城喺1996年（住宅）至1997年（商場同寫字樓）落成，由3座樓宇組成，一共有784個單位，單位面積由597至1,018平方呎。設施包括室外游泳池、園藝花園同遊樂設施。另外設有購物商場——成坤廣場（個名紀念中巴創辦人顏成坤），喺物業嘅基座。仲有一座喺成坤廣場旁邊嘅商業大廈港運大廈，係太古地產唯一作出售用途嘅商業大廈。

依家成個屋苑嘅管理服務，由太古地產旗下嘅港運城物業管理有限公司負責。