湖南獨立運動

湖南獨立運動，現時有陣簡稱係湘獨^[1]，係支持湖南獨立自治嘅政治運動。由1903年歐榘甲主張廣東獨立嘅《新廣東》啟發，湖南革命黨人楊毓麟提出咗湖南脫離清帝國獨立建國嘅思想，仲攞咗「湖南人之湖南」做筆名寫咗《新湖南》^[2]。後尾到中華民國初年，喺聯省自治及制憲運動時期，湖南左派人士包括彭璜、毛澤東等人繼續獨立運動，主張建立「湖南共和國」，以脫離北洋政府獨立^[3]。當其時呢個主張唔係幾多人支持，而隨著北伐同埋湖南省憲法嘅廢除而收檔。美國漢學家裴士鋒認為，湖南獨立運動係受到咗湖南民族主義嘅啟發^[4]。