湖南衛視

出自維基百科,自由嘅百科全書
跳去: 定向搵嘢
Picto info device tv.png 湖南廣播電視台衛星頻道
Hunan TV
Picto info device tv.png
一個橙色嘅鵝蛋形,其中左下角有個缺口,中間有一部分梭形嘅鏤空,兩者共同組成一條魚嘅形狀,魚頭朝向右上方;單獨睇中間嘅梭形鏤空部分,又好似個米粒。
頻道喺2016年8月嘅截圖
邊位屬下 湖南廣播電視台
開播 1997年1月1號 (1997-01-01)
畫面制式 SDTV (MPEG-2 576i 16:9)
HDTV (H.264/AVS+ 1080i 16:9)
聲音制式 單聲道(標清)
立體聲/環繞聲(高清)
用乜話 普通話
呼號 快樂中國,湖南衛視
頻道類 衛星電視
播出範圍  中國大陸
收視率 0.408 (2015年,資料出喺CSM
收視份額 3.54 (2015年,資料出喺CSM
總部位置 Flag of the People's Republic of China.svg 中國湖南省長沙市金鷹影視文化城
姊妹頻道 湖南經視、湖南娛樂頻道、金鷹卡通、金鷹紀實、湖南國際頻道
官網 頻道官網

 湖南廣播電視台衛星頻道粵拼wu4 naam4 gwong2 bo3 din6 si6 toi4 wai6 sing1 pan4 dou6 [註 1]簡化字湖南广播电视台卫星频道),簡稱湖南衛視簡化字湖南卫视wu4 naam4 wai6 si6),花名芒果台mong1 gwo2 toi4),係湖南廣播電視台下屬嘅一條主力電視頻道,亦係湖南電視台第一頻道,1997年1月1號開播,總部喺湖南長沙金鷹影視文化城入面。湖南衛視收視率連續多年排喺中國大陸嘅省級衛星電視頻道第一同所有電視頻道第二[1]。2009年9月28號正式開始高標清同步廣播。從2016年8月31號05:42分開始,標清頻道改為16:9播放。

世界品牌實驗室喺2013年9月28號發佈咗2013年度「亞洲品牌500強」。湖南廣播電視台(HBS)列「亞洲品牌500強」第146位,較2012年上升11位,排喺中國省級電視網第一。喺2015年「亞洲電視品牌10強」中,HBS超越南韓國家電視台KBS,殺入前5(CCTVNHK鳳凰衛視、HBS、TVB)。2013年,湖南衛視盈利創收63.5億人民幣,相當於全臺灣所有電視台一年收入嘅總和[2]

2014年4月成立嘅芒果TV係湖南衛視官方網絡頻道,可以用電腦、手機、平板同智能電視機收睇湖南衛視嘅所有節目同劇集。

台標[編輯]

湖南衛視台標嘅原意係「魚米之鄉」,一個橙色嘅鵝蛋形,其中左下角有個缺口,中間有一部分梭形嘅鏤空,兩者共同組成一條魚嘅形狀,魚頭朝向右上方;單獨睇中間嘅梭形鏤空部分,又好似個米粒。台標整體寓意湖南係魚米之鄉。台標嘅形狀同顏色,又好似個芒果,所以觀眾都叫佢做「芒果台」,而湖南衛視亦接受咗呢個綽號,並將「芒果台」作為官方別名。佢嘅官方網絡電視平台就叫「芒果TV」。

[編輯]

T2新區同粉絲樓
  • 1997年,湖南衛視上星播出。
  • 2001年10月28號,湖南電視台搬到長沙市金鷹影視文化城金鷹大廈,實現咗全數碼化、全硬碟化、全網絡化同全天無間斷播出。
  • 2004年,湖南衛視提出「快樂中國」理念,率先提出全力打造「最具活力嘅中國電視娛樂品牌」,係國内所有電視媒體中,對自身品牌進行清晰定位同形象區隔嘅第一間。
  • 2009年5月20號,湖南衛視國際頻道(專屬英文名譯作「HunanTV World」)喺香港落地開播[3]。係首間獲批取得開播「國際頻道」資格嘅電視台。節目經亞太五號衞星傳送,多通道形式嘅覆蓋落地。定位亦由以前嘅「快樂中國」提升為「快樂全球華人」。
  • 2009年9月28號,湖南衛視正式開始高標清同步廣播。
  • 2010年6月28號,湖南廣播電視台芒果傳媒正式掛牌成立。
  • 2011年12月12號開始,香港now寬頻電視合辦嘅now芒果台會播放湖南衞視嘅綜藝娛樂同資訊節目。2015年2月1號開始,now芒果台喺now寬頻電視停播。
  • 2015年7月1號,湖南廣電入股大連天途有線電視公司,大連結束10年喺有線電視睇唔到湖南衛視嘅歷史。
  • 2016年8月31號,湖南衛視標清頻道寬屏升級,同高清同步16:9比例格式播送,從此告別切邊時代。

主持人[編輯]

主持人/主播/藝人
快樂大本營 何炅 謝娜 李維嘉 杜海濤 吳昕
天天向上 汪涵 錢楓 大張偉 王一博
綜藝、娛樂節目主持人
何炅 吳昕 李維嘉 李銳 杜海濤 汪涵 沈夢辰
孫驍驍 張丹丹 趙子靚 大張偉 錢楓 謝娜 王一博
新聞、資訊節目主持人
萬欣 方家翊 王燕 鄧男子 劉燁 劉夢娜 李莎旻子
張晶晶 張丹丹 李南 李斯羽 楊銥 陸立 孫璞
梁田 熊琪 蔣宏傑(YOYO) 潘丹 魏哲浩 查可欣 王昊暘

主要節目[編輯]

  • 快樂大本營
  • 《超級女聲/快樂女聲》
  • 《快樂男聲》
  • 《爸爸去哪兒》
  • 我是歌手
  • 《天天向上》
  • 《快樂中國跨年演唱會》

[編輯]

  1. 響全國組織機構代碼管理中心嘅資料入面顯示為「湖南廣播電視台衛視頻道」。

參考[編輯]

  1. "湖南卫视年终晒业绩 09全年收视全国第二" (用中文寫). 中国新闻网. 2010-01-28. 喺2012-10-23搵到. 
  2. 湖南广播电视台“亚洲品牌500强”地位继续走强。湖南廣播電視協會 2013年9月30號 (大陸簡體)
  3. 湖南卫视国际频道21日正式开播,湖南卫视金鹰网

出面網頁[編輯]