湛若水

出自維基百科,自由嘅百科全書
Jump to navigation Jump to search

湛若水1466年1560年),字元明,號甘泉,係明代理學家同教育家。

生平[編輯]

湛若水響廣東省增城出世,佢早年拜陳獻章為師,鉆研心性理學;創立「隨處體認天理」的哲學思想,踐行「知行合一」,同王陽明「致良知」學說各立門戶。佢成世人以興學育賢為己任,創建書院40幾間,弟子三千幾人,並用自己嘅積蓄為所到嘅書院設「贍田」,以扶助貧苦學生。佢為官廉潔奉公,主張「民庶實為邦本」,提倡「刑德並用,以得為主」,追求「衣食足,善心生,倫理明,風俗厚,禮樂興,和氣致,天地泰,萬物若」嘅太平天下。佢嘅學術見解響嗰時有好大嘅影響,佢始創嘅學派被稱為「甘泉學派」,同王守仁(陽明)並稱為明代理學家兩大流派之一。為咗緬懷先賢,弘揚先賢嘅精神。家下,增城同廣州紛紛為湛若水立像。