湯定元

出自維基百科,自由嘅百科全書
湯定元
出生日1920年5月12號 喺Wikidata改呢個
出生地金壇 喺Wikidata改呢個
死亡日2019年6月3號 喺Wikidata改呢個 (99歲)
國籍中華人民共和國 喺Wikidata改呢個
母校南京大學芝加哥大學 喺Wikidata改呢個
職業物理學家 喺Wikidata改呢個
政黨Jiusan Society 喺Wikidata改呢個

湯定元1920年5月12號2019年6月3號)係中華人民共和國物理學家,中國紅外物理嘅奠基人、紅外技術嘅創建人、半導體學科同半導體光電器件嘅開拓者。[1]

生平[編輯]

湯定元於1920年喺江蘇省金壇縣東門外小坵村出世,阿爸係設喺村內文昌閣(即孔廟)嘅私塾老師。湯定元五歲時開始喺阿爸嘅教導下讀《大學》、《中庸》等經典。1933年作為插班生入讀金壇初級中學。1935年考取江蘇省立無錫師範學校,抗戰時轉入國立四川中學師範部。1938年報考位於陪都重慶國立中央大學,因物理等科目成績突出(英語成績為零)被理學院物理系錄取。大學時期嘅生活主要靠「貸金」。1942年中大物理系畢業,留校任助教。1948年初,公費走到去美國留學,先就讀於明尼蘇達大學,暑期後轉入芝加哥大學物理系,1950年獲碩士學位。同年返回中國,喺中國科學院應用物理研究所工作。曾任中國科學院上海技術物理研究所研究員、所長。先後兼任中國科學技術大學教授、半導體教研室主任同上海科技大學教授、技術物理系主任。

湯定元於2019年6月3號早上10點40分因病喺上海華東醫院逝世,享年99歲。[2]

研究[編輯]

湯定元首次定量解釋咗鍺光電導光譜分佈嘅物理規律,取得國際公認嘅成果。喺氣體放電、超高壓物理、半導體物理同紅外物理等科研中,亦都有豐碩嘅成果。首創金剛石高壓容器,成為國際上高壓物理研究嘅重要儀器。喺中國開創咗窄禁帶半導體分支學科,帶領科研群體對碲鎘汞晶體嘅材料、器件同物理進行咗系統研究。開創同參與研製太陽能電池、溫差電致冷器、半導體高能粒子計數器以及硫化鉛、熱敏電阻型、銻化銦、鍺摻汞同碲鎘汞等紅外探測器,其中好多器件已成功應用喺空間遙感同軍事探測等裝備中。

湯定元撰寫有《紅外技術——基礎與應用》、《天壇中的幾個建築物聲學問題》等科普著作。

參考[編輯]

  1. 科院院士汤定元今天上午在上海逝世,享年100岁_浦江头条_澎湃新闻-The Paper. . 喺2019年6月7號搵到.
  2. 導體專家湯定元病逝享年99歲. on.cc東網. 2019年6月4號. 喺2019年6月7號搵到.