溫哥華白浪足球會女子隊
 | |||||
| 全名 | 溫哥華白浪足球會女子隊 | ||||
|---|---|---|---|---|---|
| 外文全名 | Vancouver Whitecaps F.C. | ||||
| 花名 | 白浪 | ||||
| 創會 | 2001年 | ||||
| 主場 | 史旺加德球場 （Swangard Stadium） （容納人數：5288人 ） | ||||
| 主席 |  羅拔·里納杜慈 | ||||
| 領隊 |  小曉拔·畢斯比 | ||||
| 網 | 球會網站 | ||||
| 波衫供應 | 阿迪達斯 | ||||
| 波衫廣告 | 加拿大貝爾電訊 | ||||
| |||||
溫哥華白浪足球會女子隊係一支位於加拿大溫哥華嘅足球會，係溫哥華白浪屬下嘅女子足球隊。喺2013年解散之前，溫哥華白浪女子隊打嘅聯賽係北美聯合足球聯賽女子組。
歷史[編輯]
溫哥華白浪女子隊有兩個前身：一個係喺2001年組建，喺北美女子超級足球聯賽作賽嘅「溫哥華天使女子足球會」，另一個係溫哥華86人隊屬下嘅「溫哥華86人女子足球隊」。2002年，貴格利·奇亞富特接替大衛·史達匿成為溫哥華白浪嘅大股東之後，做嘅第一件事就係收購溫哥華天使，並且將溫哥華天使同86人女子隊合併成一支新嘅球隊「溫哥華怒濤」[1]。2002賽季結束之後，溫哥華白浪屬下嘅球隊開始統一用「白浪」做隊名。
2013年1月，溫哥華白浪宣布解散女子隊[2]。喺白浪嘅新聞稿裡邊，白浪嘅首席執行官麗秋·路易斯解釋：解散女子隊嘅原因係因為越來越多女子足球員轉投更高級嘅美國國家女子足球聯賽，而喺恁嘅情況下再繼續留喺乙級嘅聯合足球聯賽女子組都無乜意義[2]。不過新聞稿又話：白浪會繼續保留女子青訓項目[2]。
參考[編輯]
- ↑ Timko, Brandon (7 June 2010). "Chapter 3: Rebirth of the 'Caps". Whitecaps FC. 原著喺2010年12月27號歸檔. 喺13 April 2013搵到.
- ↑ 2.0 2.1 2.2 "Vancouver Whitecaps FC announce W-League team status for 2013 season". Vancouver Whitecaps FC. 原著喺2015年5月3號歸檔. 喺January 4, 2013搵到.