潮文（Copypasta，直譯意思係「複製貼上嘅嘢」）係一段經常畀網民喺互聯網嘅討論區同社交媒體轉貼嘅文字，呢啲文字多數都好長篇大論，但通常係夾雜住一啲虛假資訊或者歪理，目的主要係為咗搞笑，或者激起啲未睇過嗰段文字嘅網民嘅真心反應。
喺香港，好多潮文都係起源自2000年代到2010年代中期嘅香港高登討論區，但隨住高登嘅沒落，潮文亦大幅減產。隨住新興社交媒體嘅興起，潮文嘅孕育亦唔一定再侷限喺討論區，譬如2025年香港嘅Threads社群就成功出現一篇大寶冰室潮文，更影響到現實世界。
