澳門幫會

本文概述澳門幫會之前世今生——容易查到嘅資料始於葡殖時代；當時嘅民間組織冇所謂正規唔正規，所謂黑社會嘅概念亦未出現。

十九世紀

呢幾檔三合會色彩唔豐富：晌（第一次）鴉片戰爭之前，馬交已經係葡國領土，轉口生意蓬勃，亦涉及大量鴉片走私；友誼館係最早出名嗰個社團，似乎係由華人工頭林阿發（後台係洋人）創立嘅，剋扣勢力範圍工人（咕哩為主）嘅十分之一工資做會費，不過會提供人身保護；友樂館係第二個出名者，創立者似乎係華人陳光（後台都係洋人），仿效前者經營，唔迫會員交會費，不過𠱁佢哋賭錢同借錢畀佢哋再追債或以此迫使佢哋作奸犯科；兩派經常爭地盤搞到衝突。晌（第一次）鴉片戰爭之後，招工館利廬嘅阿頭李七斤乘賣豬仔生意崛起，似乎靠威迫利誘、焗賭甚至綁架等多種手段攞人出售，成為當地第三個出名社團。

二十世紀

晌一九七八年二月四號，十四K、和安樂、和勝義傍友聯被澳門法例定性為黑社會（冇話只得佢哋）。