澳門1A巴士

出自維基百科,自由嘅百科全書
(由澳門1A號巴士跳轉過嚟)
Jump to navigation Jump to search

管理資訊
監管者 DSAT.png 交通事務局
經營者 20px新福利
所屬車廠 北安車廠
路線用車 蘇州金龍KLQ6126G
蘇州金龍KLQ6129GQE4型
丹尼士飛鏢SLF

路線資訊
路線圖
單程行車時間 35分鐘

服務資訊
服務時間 06:00-00:10
班次間隔 尖峰4-6分鐘
離峰8-10分鐘
例假號8-12分鐘
全程收費 六蚊葡幣
主要競爭交通 何賢公園筷子基32

澳門1A巴士係一條由澳門新福利公共汽車有限公司做緊,由筷子基總站來回新口岸/科英布拉街總站嘅巴士線。

雖然呢條線係以新口岸/科英布拉街總站做總站,但係頭牌會顯示做皇朝

背景[編輯]

1984年2月28號,福利巴士開辦本線,派兩部車行,來回媽閣漁翁街

1989年1月9號,全線改用五部三菱Rosa行走。

1990年8月15號,總站由漁翁街搬到回力場,直至1993年外港碼頭起好先改經呢度。

1996年9月26號,總站遷到新口岸/科英布拉街總站

2008年12月7號,交通事務局實施第一階段巴士路線調整,1A總站由原來嘅媽閣變成而家嘅筷子基,而取消唔行嘅路段就由1號補充,乘客可以利用轉乘台山街市又或者第二警司處到轉乘;同時又取消繞行「新口岸/羅馬街」同「新口岸/倫敦街」兩個站而永久取消[1]

2015年6月6號,拱形馬路道路工程,臨時單向行車,改經巴波沙大馬路—菜園涌邊街—關閘馬路,取消停靠「拱形馬路」站,臨時停靠「關閘馬路/三角花園」站。

2015年10月,拱形馬路工程完成,臨時措施變成永久,「拱形馬路」巴士站正式取消。

2016年1月16號,調整本線服務時間同班次:

  • 去新口岸/科英布拉街方向:服務時間06:00-00:10,班次4-10分鐘
  • 去筷子基方向:服務時間06:00-00:10,班次4-10分鐘

2018年4月16號,交通事務局召開記者會,公佈巴士加價同回應4月15號嘅氹仔嘉樂庇總督馬路巴士奪命交通意外,會上交通事務局局長林衍新局先公佈會響4月21號澳門所有公共巴士統一收六蚊葡幣,用澳門通拍卡畀錢就分普通線同快線收費,普通線收三蚊葡幣而快線就收四蚊,餘額由政府補貼,學生卡就響澳門通嘅價錢上再半價,老人同殘疾人士免費,將原本傾好嘅分澳門居民澳門通同普通澳門通收費(普通澳門通重有補助不過補少啲)、學生寒暑假期間取消優惠、老人同殘疾人士卡朝早同晏晝繁忙時間取消優惠(唔想老人同殘疾人士同返工啲人逼車)嘅全部內容唔實行,又將六十分鐘入面補差價由澳門線轉氹仔線嘅轉乘安排取消,澳門線轉氹仔線受澳門線轉澳門線轉乘時間一樣四十五分鐘,轉路環線就保留六十分鐘轉乘時間,林衍新話加價係基於澳門巴士好多年都冇加價(同樣理由已經響早排交通事務局服務費、鎖轆費、分階段調整咪錶收費用過),同埋佢嘅局預算冇加,但係補貼巴士公司嘅錢就不停噉加,所以點都要加,重話加幅比2008年巴士加價幅度細,調整幅度相對溫和,被人批評交通事務局冇經過大多數民意支持就霸王硬上弓話加就加夾硬嚟,2008年巴士雖然加價,但係當年第一任交通事務局局長汪雲為咗吸引多啲人搭巴士支持綠色出行,第一次推出澳門通拍卡有補貼,變相減咗價,但係由於冇區分澳門居民同遊客,所以交通事務局補貼費用年年上升,惹嚟澳門市民反感,要求區分收費,但今次方案諮詢嗰陣有提到,但冇實行[2][3]

2018年4月21號,澳門巴士票價調整,呢條線嘅收費亦跟住調整:全程收費係六蚊葡幣,唔再分區收費。

用車[編輯]

呢條線一度全線採用五十鈴JCR460型巴士嚟行,曾經響1989年改用三菱Rosa嚟行。幾年後就變成主要以三菱FUSO同五十鈴JCR460型行駛,間唔中亦有平治O814同猛獅13.230巴士行駛。

後來丹尼士飛鏢SLF投入服務之後,就加咗幾部響呢條線度行。

2008年大幅修改走線同縮短總站之後,客量輕微下降,但係用車變化唔大,同年蘇州金龍10米/12米巴士投入服務之後,間唔中出現呢款車行走。

響2011年7月31號前,成日見車型:

響2015年1月1號後,成日見車型:

  • 2009年蘇州金龍 K101-K115
  • 間唔中都會出現蘇州金龍10.5米大巴(K車)嚟行

走線[編輯]

車費[編輯]

  • 全程車費:澳門幣三個二。
  • 澳門通全民卡,只係扣兩蚊,其餘由政府畀。
  • 用澳門通學生卡,只係扣一蚊,其餘由政府畀。
  • 用澳門通長者卡,只係扣三毫子,其餘由政府畀。
  • 用澳門通殘疾卡,只係扣三毫子,其餘由政府畀。
  • 澳門通IC卡月票適用。

服務[編輯]

服務時間 平時(星期一到六) 星期日(含公眾假期)
筷子基總站 06:00-00:10
新口岸/科英布拉街
班次 尖峰4-6分鐘,離峰8-10分鐘 8-12分鐘

停站[編輯]

1A走線圖
去新口岸/科英布拉街方向 去筷子基總站方向
  1. 筷子基總站
  2. 台山街市
  3. 關閘馬路/三角花園
  4. 慕拉士馬路
  5. 慕拉士巷
  6. 慕拉士/飛通大廈
  7. 漁翁街/勞工事務局
  8. 外港碼頭
  9. 友誼馬路/行車天橋
  10. 旅遊活動中心
  11. 廈門街/理工
  12. 高美士/南園大廈
  13. 宋玉生廣場
  14. 新口岸/柏嘉街
  15. 新口岸/科英布拉街
  1. 新口岸/科英布拉街
  2. 高美士/何賢公園
  3. 理工學院
  4. 高美士/馬六甲街停車場
  5. 水塘北角/勞工事務局
  6. 慕拉士/發電廠
  7. 慕拉士馬路/望廈
  8. 黑沙環馬路
  9. 拱形馬路/蓮峰廟
  10. 第二警司處
  11. 白朗古/跑狗場
  12. 筷子基總站
  • 途經站數:27站。

客量[編輯]

呢條線響2008年之前,由於同時途經住宅區(提督馬路、沙梨頭同下環)、商業區(皇朝)同埋出入境口岸(港澳碼頭),加上班次頻密,如333線一齊做咗新福利嘅線王,幾乎每班車都爆棚。2008年開始,縮短路線到筷子基,冇咗媽閣到提督馬路沿線去外港碼頭又或者皇朝嘅客量。但係響晚黑繁忙時間,皇朝總站排隊嘅人龍依然好長,每班車都係滿載開出,客量都唔少。

重大意外[編輯]

2007年9月3號,一架無載客1A大巴響媽閣總站開出嗰陣猛撞前面另一輛停泊響到嘅大巴車尾,撞擊力令前車鏟上行人道,撞毀站長更亭。當時響更亭入面嘅清潔女工好彩及時逃出,只係逃走嗰時懷疑嚇親仆咗響地到,撞傷隻手,需要到鏡湖醫院治理。[4]

[編輯]

  1. 交通事務局,巴士7號新增重整周號實施,2008年12月5號
  2. (繁體中文)拍卡3元 現金6元 巴士收費週六起加價,論盡傳媒,響2018年4月16號搵到。
  3. (繁體中文)有意見指巴士加價漠視民意,澳廣視,響2018年4月21號搵到。
  4. 大巴肇禍女工死裏逃生

睇埋[編輯]

[編輯]